الصفحة الرئيسية
بحث مخصص
ألحان | ترانيم | كتب | تأملات | كنسيات | مجلات | مقالات | برامج
قالوا عن المسيح | اسئلة
الكتاب المقدس | دليل المواقع | كنوز التسبيح
أخبار مسيحية | ستالايت | أقوال الأباء | مواهب | إكليريكية | الخدمة | فيديو | قديسين
June 26, 2017
أخبر صديقك عن مسيحى إجعل مسيحى صفحتك الرئيسية صفحة مسيحى الرئيسية
المجتمع القبطى > اسئلة > ركن جدو كرمشة

مش متوفقين فى شقق كتيرة بتيجى دى علامة ان ربنا مش عاوزنا لبعض

رجوع لقائمة المواضيع >> الموضوع السابق >>  
نشرت بواسطة
gedo_karmasha
Search
Date Submitted: 3/31/2008 1:38 am
Status: Approved Views: 4126
 

اذيك ياجدو اتمنى من الرب يسوع انك تكون بخير ، وربنا يبارك تعبك معانا بجد دى فكرة حلوة جدا ، انا شاركت معاك قبل كدة بمشكلتى بس انت مش رديت عليا، بص يا جدو انا مرتبطة بإنسان بيحبنى جدا جدا جدا وانا بحبه جداً بس هو بيحبنى اكتر ، واحنا بنصلى كتييييير للرب يسوع ان يظهر إرادته ومشيئته فى علاقتنا دية وبنتمنى انه يكون راضى عنها وعننا ، واحنا متفاهمين اوى ومش عندنا اى مشاكل فى نفوسنا من الموضوع دة ، بس المشكلة مشكلة الشقة فانا بسأل هل تاخير الشقة واننا مش متوفقين فى شقق كتيرة بتيجى دى علامة ان ربنا مش عاوزنا لبعض مع العلم انه مش يقدر يستغنى عنى وبصراحةولا انا . ونقطة تانية بطلبها منك وارجوك ترد عليا يا جدو عشان خاطر حبيبنا الرب يسوع محتاجة لصلاتك اوى وانك تنصحنى لو ليك اى نصيحة فى موضوعى دة ، انا بشكرك اوى يا جدو
mera-e

شكرا على سؤالك على و اخيرا حد فتح نفسى انه بيصلى علشان موضوع الارتباط و ربنا يحافظ عليكى ، اما بعد.... لو ربنا حاطط موضوع الشقة علامة على عدم موافقته يبقى اكيد مش موافق على اى جوازة فى مصر...لان موضوع الشقق دى مشكلة عامة مش خاصة بيكى انتى بس
و تعرفى رأى ربنا من تلات حاجات زى ما نيافة انبا موسى اسقف الشباب بيقول

الحاجة الاولى هى الصلاة و انتى بتصلى و هو كمان، يعنى ربنا متدخل فى الموضوع

الحاجة التانية راى الاهل

و الحاجة التالتة مشورة اب الاعتراف
لو الاهل موافقين و مباركين و اب الاعتراف كمان مع احساسكم بالتفاهم و بالراحة القلبية معنى كده نفهم انه الله مبارك الموضوع ، اما  موضوع الشقة فكل شباب و عواجيز مصر بيعانوا من مواضيع الامور المادية و الشقق و ممكن الشباب يبتدى يتخلى عن موضوع الشقة التمليك و يستبدلها بشقة ايجار جديد و موضوع العفش المتكامل لأثاث بسيط يبتدوا بيه و مش مهم المظاهر و يستغنوا عن موضوع الشبكة و حفلة الفرح تبقى حاجة عالضيق ...كل الأفكار دى  و اكتر ممكن تساعد الشباب انهم يحققوا احلامهم....فين ايامنا...ايام الملك...الملك تحتمس طبعا كانت كل حاج ببلاش

ربنا يحافظ عليكم و يفرحكم و متنسونيش فى الملبس و لو ان مفاضلش غير كام سنه كده


رجوع لقائمة المواضيع >> الموضوع السابق >>  
إتصل بموقع مسيحى | من نحن | سياسة موقع مسيحى
Copyright © 2008 Masi7i.com. All rights reserved.
Site Designed By Egygo.net, Managed by M3webz.com forWeb Design Egypt