الصفحة الرئيسية
بحث مخصص
ألحان | ترانيم | كتب | تأملات | كنسيات | مجلات | مقالات | برامج
قالوا عن المسيح | اسئلة
الكتاب المقدس | دليل المواقع | كنوز التسبيح
أخبار مسيحية | ستالايت | أقوال الأباء | مواهب | إكليريكية | الخدمة | فيديو | قديسين
June 24, 2017
أخبر صديقك عن مسيحى إجعل مسيحى صفحتك الرئيسية صفحة مسيحى الرئيسية
المجتمع القبطى > اسئلة > ركن جدو كرمشة

ارحمنى يالله كعظيم رحمتك

<< الموضوع التالى رجوع لقائمة المواضيع >> الموضوع السابق >>  
نشرت بواسطة
gedo_karmasha
Search
Date Submitted: 3/29/2008 12:50 am
Status: Approved Views: 4364
 

انا اول مره ادخل هنا وعرفت الموقع وانا ببحث عن ترانيم ولقيت ركن جدو ليا رجاء او توسل انك ترد عليا هنا او علي الايميل لاني بجد تعبان تعبان انا شاب عمري 29سنه متجوز وعندي طفل ولكني غرقان في الخطيه ومش قادر ابطل رغم اني عارف انه كده حرام لكني مش قادر وكل مره اعمل الخطيه وبعدها اندم اني عملتها لكن برجع اعملها تاني وكمان بدور ازاي الاقي الخطيه دي علشان اعملهت علي فكره خطيتي هي زنا وبرغم اني متجوز من انسانه علي قدر عالي من الجمال لكني مش عارف ليه انا حابب الحطيه وحابب كل يوم التغيير بانسانه تانيه ارجوك انا تعبان ومش عايز اعمل كدهه ارجوك فيدني وقولي اعمل ايه مع مراعاه اني بجد عارف ان ده غلط وبزعل قوي من نفسي واقول دي اخر مره لكن برجع تاني للوحل وياريت متنسانيش
و

المشكل دايما بتكون فى التعود على الخطية و دايما الشيطان بيسحبنا بالراحة من غير ما نحس لغاية ما نفاجأ بالحقيقة المرة و هى انه احنا اعتدنا عليها وبقت جزء لا يتجزا من حياتنا

البداية توبة قوية و التوبه تيجى بالصلاة.....فى الاول لو مفيش مشاعر للتوبة اطلبها من ربنا، كأن تطلب من ربنا فى صلوات قصيرة وتقول توبنى يارب فأتوب، بنورك يارب نعاين النور، خلصنى فأخلص و كمان اطلب من ربنا كراهية الخطية انه يخلى الخطية مرة فى حلقك، او تطلب منه ان يكشف لك حقيقة الخطية انها قبيحة جدا أو إزاى انها بتجرح قلب ربنا و ازاى الله القدوس بيستر و جهه عنى و عنك اثنا الخطية و فى نفس الوقت قلبه مملوء بالحب تجاهنا و فى انتظار رجوعى و رجوعك اليه

لما تلاقى فيه مشاعر توبه بدأت تتحرك فى القلب انتهزها فرصة و متهربش، انسكب قدام ربنا و اترمى قدام محبته و رحمته اسجد و اطب معونته ...ابكى بحرارة و اطلب غفرانه و معونته ان لا تعود تصنع الخطية مجاهد حتى الدم و شوف عمل ربنا
انجيل معلمنا لوقا البشير من اصحاح 1 الى 6
1 وَكَانَ جَمِيعُ الْعَشَّارِينَ وَالْخُطَاةِ يَدْنُونَ مِنْهُ لِيَسْمَعُوهُ. 2 فَتَذَمَّرَ الْفَرِّيسِيُّونَ وَالْكَتَبَةُ قَائِلِينَ:«هذَا يَقْبَلُ خُطَاةً وَيَأْكُلُ مَعَهُمْ!». 3 فَكَلَّمَهُمْ بِهذَا الْمَثَلِ قِائِلاً: 4 «أَيُّ إِنْسَانٍ مِنْكُمْ لَهُ مِئَةُ خَرُوفٍ، وَأَضَاعَ وَاحِدًا مِنْهَا، أَلاَ يَتْرُكُ التِّسْعَةَ وَالتِّسْعِينَ فِي الْبَرِّيَّةِ، وَيَذْهَبَ لأَجْلِ الضَّالِّ حَتَّى يَجِدَهُ؟ 5 وَإِذَا وَجَدَهُ يَضَعُهُ عَلَى مَنْكِبَيْهِ فَرِحًا، 6 وَيَأْتِي إِلَى بَيْتِهِ وَيَدْعُو الأَصْدِقَاءَ وَالْجِيرَانَ قَائِلاً لَهُمُ: افْرَحُوا مَعِي، لأَنِّي وَجَدْتُ خَرُوفِي الضَّالَّ!.

حتى لو سقطت تشجع و تشدد و جاهد من تانى، اب اعترافك مهم علشان يسندك بصلواته على المذبح و بإرشاده لانه بخبرته و حكمته اللى ربنا بيسنده بيها هيقدر يساعدك

اوعى تقول انا معقول هروح اعترف بخطية زنا قدام ابونا، صدقنى فضح الخطية امام الله فى حضور الاب الكاهن، يخفف من ثقلها و يبعد عنك ضغط عدو الخير اللى بيذلك بيها. وزى ما قال الكتاب المقدس م فم الكاهن تطلب الشريعة...شريعة الكمال...شريعة اولاد الله...شريعة الخلاص من الخطية

صلى من كل قلبك و كيانك انه نعمة ربنا تحميك و تحمى بيتك وقول لربنا علشان خاطر ابنى الصغير اصنع معى رحمة و انقذنى و تذكر ان الله لن يخلصك بدونك واعلم ان الله متمهل عليك ولا يعاقبك لكن قد يأتى وقت لاتجد فرصة للتوبة و كم قال المسيح
(إِنْجِيلُ لُوقَا  13 : 3) كلا اقول لكم.بل ان لم تتوبوا فجميعكم كذلك تهلكون..
(إِنْجِيلُ لُوقَا  13 : 5) كلا اقول لكم.بل ان لم تتوبوا فجميعكم كذلك تهلكون
فقد كررها مرتين فى نفس الاصحاح للتحذير الصعب
ويقول القديس بطرس الرسول ّ
(رِسَالَةُ بُطْرُسَ الرَّسُولِ الثَّانِيَةُ  3 : 15) واحسبوا اناة ربنا خلاصا
فإذا كان المسيح متمهل علينا و حتى الآن لم تفقد بيتك و لم تصب بأية امراض خبيثة فهى رحمة ربنا لكن هناك من أستوفوا رحمتهم و تحول عنهم المسيح و تركهم لذهنهم المرفوض

اقرأ مايقوله الرسول بولس عن هؤلاء
رسالة رومية الاصحاح الاول
28 وَكَمَا لَمْ يَسْتَحْسِنُوا أَنْ يُبْقُوا اللهَ فِي مَعْرِفَتِهِمْ، أَسْلَمَهُمُ اللهُ إِلَى ذِهْنٍ مَرْفُوضٍ لِيَفْعَلُوا مَا لاَ يَلِيقُ. 29 مَمْلُوئِينَ مِنْ كُلِّ إِثْمٍ وَزِنًا وَشَرّ وَطَمَعٍ وَخُبْثٍ، مَشْحُونِينَ حَسَدًا وَقَتْلاً وَخِصَامًا وَمَكْرًا وَسُوءًا، 30 نَمَّامِينَ مُفْتَرِينَ، مُبْغِضِينَ ِللهِ، ثَالِبِينَ مُتَعَظِّمِينَ مُدَّعِينَ، مُبْتَدِعِينَ شُرُورًا، غَيْرَ طَائِعِينَ لِلْوَالِدَيْنِ، 31 بِلاَ فَهْمٍ وَلاَ عَهْدٍ وَلاَ حُنُوٍّ وَلاَ رِضىً وَلاَ رَحْمَةٍ. 32 الَّذِينَ إِذْ عَرَفُوا حُكْمَ اللهِ أَنَّ الَّذِينَ يَعْمَلُونَ مِثْلَ هذِهِ يَسْتَوْجِبُونَ الْمَوْتَ، لاَ يَفْعَلُونَهَا فَقَطْ، بَلْ أَيْضًا يُسَرُّونَ بِالَّذِينَ يَعْمَلُونَ

تشفع كل القديسين اللى جازوا فى تجارب مشابهة و اولهم الانبا موسى الاسود ...اطلب صلواته عنك قدام الله لن يتأخر و كمان القديس اوغسطينوس و القديسة مريم المصرية و كمان داود النبى اللى كتب اجمل مزمور فى التوبة ...ارحمنى يالله كعظيم رحمتك

تأكد انه الله يقدر ان يصنع منك قديس مثل كل هؤلاء فالله القدوس هو صانع القديسين

ابعد تماما عن مصدر الخطية و اماكنها و امسح كل ارقام التيفونات و ابعد عن اى صديق يبعدك عن طريق التوبة, فرح قلب ربنا بالتوبة و فرح السماء كلها بيها

(إِنْجِيلُ لُوقَا  15 : 7) اقول لكم انه هكذا يكون فرح في السماء بخاطئ واحد يتوب اكثر من تسعة وتسعين بارا لا يحتاجون الى توبة..


<< الموضوع التالى رجوع لقائمة المواضيع >> الموضوع السابق >>  
إتصل بموقع مسيحى | من نحن | سياسة موقع مسيحى
Copyright © 2008 Masi7i.com. All rights reserved.
Site Designed By Egygo.net, Managed by M3webz.com forWeb Design Egypt