الصفحة الرئيسية
بحث مخصص
ألحان | ترانيم | كتب | تأملات | كنسيات | مجلات | مقالات | برامج
قالوا عن المسيح | اسئلة
الكتاب المقدس | دليل المواقع | كنوز التسبيح
أخبار مسيحية | ستالايت | أقوال الأباء | مواهب | إكليريكية | الخدمة | فيديو | قديسين
June 24, 2017
أخبر صديقك عن مسيحى إجعل مسيحى صفحتك الرئيسية صفحة مسيحى الرئيسية
المجتمع القبطى > اسئلة > ركن جدو كرمشة

ولكنة استغل حبي لة واخطانا ولكني مازلت عذراء

<< الموضوع التالى رجوع لقائمة المواضيع >> الموضوع السابق >>  
نشرت بواسطة
gedo_karmasha
Search
Date Submitted: 3/25/2008 9:34 pm
Status: Approved Views: 4853
 

جدو كرمشة انا حبيت واحد اوي لمدة 4 سنين وهو كان بيتقرب مني بس علشان انا اكبر منة بعد عني وحب واحدة تانية وتالتة ولم يرتبط باي منهم حاولت اتقرب الية بعد فشلة ولكنة استغل حبي لة واخطانا ولكني مازلت عذراء جدو مش عارفة اعمل اية حاولت ابعد عنة ولكنة يكلمني واحيانا هو يبعد وانا اكلمة وهو كالطفل بيشخط فية ويضربني وانا كمان خدنا علي بعض اوي بس كل مااكلمة في انة يتقدم لي ميرضاش ويقولي احبك اة اجوزك لا ماخدش واحدة اكبر مني علي فكرة يا جدو انا حاولت اقنعة ان موضوع السن مش مقياس لان في ناس كتيرة اعرفهم والفرق اكبر من الفرق اللي بنا مش مقتنع وساعات يبقي كويس وتاني بوم القية متغير وبيكلمني وحش وانا كمان اضطر اكلمة وحش وعلي فكرة يا جدو انا شكلي حلو ويبان اني اصغر منة وماقولكش يا جدو اد اية انا مستحملاة وانا بخدم بس الموضوع دة بيبعدني شوية بس انا بحاول مابعدش عن ربنا ودايما بكلمة وانا في الشغل واطلب منة يدخل ويحسن اخلاقة ويهدية بس ياجدو انا كلمت اب اعترافي فحكم عليا اني مكلموش ولو كلمني اقولة يتقدم لي ولو مكنش يبقي مش هكلمة تاني انا يا جدو وحيدة ومليش اب او ام والشغل مخليني مش بعمل علاقات خالص ولو باقيت لوحدي هجنن واخي مش متفاهم معايا واختي في كوكب تاني وكلهم كبار وانا مش لاقية نفسي وبتعقد لما يشوفهم اقدامي واحس ان مستقبلي هيكون كدة انا ياجدو بيتقدم لية ناس بس انا مش حاسة باي انجذاب لاي حد وكمان مش مناسبين انا ياجدو كل يوم ببكي وساعات ببكي وانا ماشية غصب عني يا جدو انا متضايقة وحيرانة وساعات كتيرة اتمني الموت وبعيش حياتي بالعافية وساعات ببقي مش طايقة الدنيا ولما يتصل بي الدنيا القاها ضحكت اجوك ياجدو ماتقوليش اسيبة انا عاوزة ربنا يقربنا من بعض ويهدية صلي معايا وبيقولوا ان ربنا حنين انا عاوزاة يتحنن عليا لاني مضايقة ومخنوقة وماتقوليش اني بشرط علي ربنا لا بس فين المناسب اللي بعتة وانا قولت لا ارجوك رد عليا اعمل اية اصبر علية تاني ولا اية ارجوك يا جدو رد عليا لاني بمووووووووووووووت
nado

انا كان نفسى اقوللك اللى يريحك بس واضح انى هقولك اللى مش هيريحك
انا حاسس انه هو بيلعب بيكى وهيفضل كده و مش هيرتبط بيكى، لانه زى ما قال قداسة البابا شنودة مرة، انه دى قاعدة الشاب اللى بيغلط مع بنت مش ممكن يتجوزها لانه بيفقد الثقة فيها و بيعتقد انها ممكن تغلط مع غيره و الموضوع مش موضوع سن و ربنا كاشف لك اخلاقة ....ولو انتى فاكرة ان المسيح فقير و معندهوش ابن ليه ممكن يبعتهولك يبقى انتى غلطانه لامه المسيح غنى و حوم و حنين و من حنيته عليكى خلى اب اعترافك يقولك الكلام الحكيم اللى قاله و انا معاه، لأنه الموضوع ده هو اللى هيكشف نواياه

 ولاد ربنا اللى بصحيح بيحترموا زوجاتهم ويقدروهم ويقدمولهم كل حب مش يضربوهم و يشخطوا فيهم امال لم تحصل مشاكل بجد هيعمل فيكى ايه او فى اولادك؟؟!! عموما يبدوا انك عارفة الطريق الصح فين بس مش عايزة تمشى فيه....صلى كتير علشان ربنا يوضح لك السكة بتاعتك و اوعى تفرضى على ربنا طريقة معينه او فكرة معينه كإن الله فى كل حكمته محتاج مساعدة مننا...اطلبى حكمة من عند ابى الانوار الذى يعطى بسخاء و لا يعير و قولى لتكن مشيئتك يارب ...اقع فى يدك ولا اقع فى يد انسان...راضية بحكمك و حكمتك غير المحدوده لانى عارفى انك غير محدود و اطلبى من المسيح انه يكون هو الاب بدل الاب الجسدى و هو الام كمان ده هو اللى شبه نفسه بالدجاجة اللى عايزة تجمع فراخها تحت جناحيها و هو اللى قيل عنه الصديق الالصق من الأخ

اوعى تقفلى قلبك قدام كل حد حد يتقدم لك اديلهم فرصة واكتر من فرصة، و علاقتك بيه الجسدية لازم تتقطع فورا واذا كان ربنا ستر مرة ده مش معنه نتمادى مع هذا الشخص او مع غيره فى المستقبل ....سر الزواج مقدس و مكرم عند الله و اى علاقة خارج الزواج هى خطية عظيمة تغضب قلب الله جدا

اجمل حاجة مفرحة فى قصتك انه انتى ليكى اب اعتراف حكيم تقدرى تستشيريه، ارتبطى بالمذبح و التناول و اوعى تتيأسى من الصلاه...اجمل حاجة هى الصلاة لان هى الصلة بيننا و بين الله و هى سر قوتنا و سر انتصارنا و سر ثباتنا قدام المشاكل


<< الموضوع التالى رجوع لقائمة المواضيع >> الموضوع السابق >>  
إتصل بموقع مسيحى | من نحن | سياسة موقع مسيحى
Copyright © 2008 Masi7i.com. All rights reserved.
Site Designed By Egygo.net, Managed by M3webz.com forWeb Design Egypt