الصفحة الرئيسية
بحث مخصص
ألحان | ترانيم | كتب | تأملات | كنسيات | مجلات | مقالات | برامج
قالوا عن المسيح | اسئلة
الكتاب المقدس | دليل المواقع | كنوز التسبيح
أخبار مسيحية | ستالايت | أقوال الأباء | مواهب | إكليريكية | الخدمة | فيديو | قديسين
June 26, 2017
أخبر صديقك عن مسيحى إجعل مسيحى صفحتك الرئيسية صفحة مسيحى الرئيسية
المجتمع القبطى > اسئلة > ركن جدو كرمشة

مخطوبة لواحد و بحب واحد تانى

<< الموضوع التالى رجوع لقائمة المواضيع >> الموضوع السابق >>  
نشرت بواسطة
gedo_karmasha
Search
Date Submitted: 3/23/2008 4:35 pm
Status: Approved Views: 3583
 

اولا انا بنت عندى 19 سنة ونصف اتخطبت لواحد اكبر منى بعشر سنين مشكلتى هى اولا :انا كنت بحب شخص اكبر منى ب 3 سنين اسمه ....بنحب بعض بجنون بس مشكلته حاجة انه واخد دبلوم وكمان شغال....اما خطيبى اسمه ...واخد ليسانس اداب ودبلومة فى اللغة ....وكمان عيلته مستويات وشغال في شركة.......كل ده مش مهم المهم انا اتخطبتله من ...ولكن قبل ما اتخطب .....اللى بحبه لما عرف ان واحد متقدملى هو اتقدم ولما قولتله انك هتترفض علشان شغلانتك قالى خلاص انا هشتغل في شركة .....والتعليم انا هقدم في الجامعة ..... وفعلا عمل ده كله وقدم في الكلية لكن بابا كان متحمس ....اكتر وعيلته وبالفعل اتخطبت .....اللي تعابنى اوى دلوقتى ومشكلتى كلها ان ....بيتكلم علي الجسد كتير اكتر من الروح وحاسة انه مش بيفكر غير في الجسد ده اولا وثانيا الما بيجى البيت ما بيكونش عايز غير يبوسنى ويحضنى وبالفعل ده حصل غصب عنى تصور يا جدو من اسبوعين خطوبة عمل كدة غير انى لما بكون معاه في اى مكان ببيقي خايفة يعمل اى حاجة وده كله كوم وانى لسة بحب ....ده كوم تانى وهو لسة مستنينى وفعلا .....موجود في قلبي مش قادرة انساه ولا .....بتصرفاته دى قادر ينسينى ....لان .....فعلا بيخاف عليا بمعنى الكلمة ولو في حاجة كانت تحصل زى اللى حصلت بينا ده كان من كتر حبنا واشتياقنا لكن مش علشان الجسد زى ما ....بيعمل وبحس اوقات كتير انه بيحبنى لجسدى ولانى حسنة الشكل وده اول حاجة جذبت .....فيا لما جه يتقدم مع العلم ان احنا عملنا نصف اكليل وده كل اللى تاعبنى تصرفات .....وان .....لسة بحبه ومش قادرة انساه وانه عمل كل المستحيل علشانى
ميم

فى الحقيقة الموضوع عايز انك اولا تصارحى أهللك بكل اللى جواكى و بكل اللى بيحصل من خطيبك و اتمنى انهم يكونوا متفهمين، الحاجة التانية هى انتى تعليمك ايه هلى برضه متوسط ولا فى كليه؟ و السؤال هل لو كنتى فى كليه مش هتحسى بعد ما تخلصى انك اعلى من الشخصى اللى بتحبيه و ده يسبب لك مشاكل فى المستقبل ولا لا؟

الحاجة التانيه هل الشخص اللى مرتبطة بيه عاطفيا من نفس مستواك الاجتماعى ولا اقل، يعنى بعد الزواج منه هتحسى انك فخورة بيه و بعيلته ولا ممكن الاحساس ده يتغير مع الوقت؟ عموما سن التسعتاشر بتبقى المسشاعر فيه متغيرة شويتين يعنى اللى طايرة بيه دلوقتى ممكن الاحساس ناحيته يتغير مع بعض النضج....مش هاقدر فى حالتك اقوللك تروحى لمين و تسيبى لمين...لكن هأقولك لازم تصلى وتكشفى مشاعرك قدام ربنا علشان يساعدك على الختيار لانه هو وحده كاشف القلوب و الكلى و عارف فين الصح ممكن تشاركى اب اعترافك فى انه يصلى معاكى علشان ربنا يظهر لك ارادته...لو معندكيش اب اعتراف تبقى كارثة لازم تاخدى اب اعتراف...لان الذين بلا مرشد يتساقطون كأوراق الخريف، ده بمناسبة بداية الربيع طبعا

الحاجة التانيه المفروض تبقى التالته.. انتى لازم تصارحى اهلك و تحاولى تفهمى وجهه نظرهم فى الموضوع بهدوء و من غير خناق و فى نفس الوقت تصارحيهم بمشاعرك ناحية الشخص التانى و تشوفى لو غير مهنته و كمل تعليمة هل هيكبر فى نظرهم...فى نفس الوقت لا للشخص الاولانى و لا  للتانى خلى الموضوع يبقى فيه كونترول فى فترة الخطوبة.... الاندفاع العاطفى من غير حساب بيؤدى لنتايج مش كويسة و الولاد عموما بينجذبوا للبنت اللى بتعرف تضبك نفسها لكن البنت السهلة مش دايما بتسيب عندهم انطباع كويس رغم انهم بيطلبوا كده، و البنت اللى بتفرط فى عفتها غالبا ما بيتركوها و حتى الجوازة مش بتتم خللى بالك البنت هى الكونترول فى الموضوع ده....خليه كفايه يمسك ايدك  بعد كام شهر


<< الموضوع التالى رجوع لقائمة المواضيع >> الموضوع السابق >>  
إتصل بموقع مسيحى | من نحن | سياسة موقع مسيحى
Copyright © 2008 Masi7i.com. All rights reserved.
Site Designed By Egygo.net, Managed by M3webz.com forWeb Design Egypt