الصفحة الرئيسية
بحث مخصص
ألحان | ترانيم | كتب | تأملات | كنسيات | مجلات | مقالات | برامج
قالوا عن المسيح | اسئلة
الكتاب المقدس | دليل المواقع | كنوز التسبيح
أخبار مسيحية | ستالايت | أقوال الأباء | مواهب | إكليريكية | الخدمة | فيديو | قديسين
August 20, 2017
أخبر صديقك عن مسيحى إجعل مسيحى صفحتك الرئيسية صفحة مسيحى الرئيسية
المجتمع القبطى > اسئلة > ركن جدو كرمشة

خطية الزنا مع النفس

<< الموضوع التالى رجوع لقائمة المواضيع >> الموضوع السابق >>  
نشرت بواسطة
gedo_karmasha
Search
Date Submitted: 3/22/2008 2:10 pm
Status: Approved Views: 1611
 

خطية الزنا مع النفس يعافب عليها مثل اى خطية؟ وهل الله يغفر لنا خطية لم نعترف بها للأب الكاهن؟ لكن نعترف امامه ونتوب عنها؟ واذا توبنا ورجعنا اخطأنا نفس الخطية مرة او اكثر فهل المسيح ممكن ان يغفرها؟
 هــ

اولا اى خطية تغفر تماما أذا قدمنا عنها توبة نقية امام الله و قدمنا إعتراف امام الاب الكاهن حتى لو تكررت مرات و مرات فالله رحوم طويل الاناه محب البشر و يرثى لضعفاتنا و ليس شىء مفرح امام الله إلا عمل التوبه
و اوعى تنسى الابن الضال لما رجع ازاى ابوه كان واقف فى انتظاره و وقع على عنقه و قبله فرحا
وفى كل مرة تاخدى قرار التوبه افتكرى المسيح لما قال (إِنْجِيلُ لُوقَا  15 : 7) اقول لكم انه هكذا يكون فرح في السماء بخاطئ واحد يتوب اكثر من تسعة وتسعين بارا لا يحتاجون الى توبة

ثانيا: مش مهم عدد المرات اللى وقعت فى الخطية لكن المهم بقدم توبة عنها ولا لأ؟ بس ده ميخليناش نستهين بالخطية لان الخطية مرة و متعبة لينا و كل اللى بناخده منها لذه وقتيه و مرارة و بعد عن المسيح مصدر كل خير و حب و فرحة

ثالثا: احنا بنتكسف من ابونا و متكسفش من ربنا اللى فاحص القلوب و الكلى و عيناه تخترقان استار الظلام؟؟
خلينا نفضح الخطية و منتكسفس و نعرف انه ده طريق نجاتنا منها لما بنكشفها قدام الاب الكاهن ده بيخلى الشيطان ميمسكهاش علينا زلة كل مانيجى نصلى ولا نقول ترنيمة يجى يقول لنا بقى انت اللى كنت بتعمل كذا و كذا ..انت اللى مليان نجاسة هتقف قدام ربنا....لما نعترف نقدر نقوم و نقول(مِيخَا  7 : 8) لا تشمتي بي يا عدوتي اذا سقطت اقوم اذا جلست في الظلمة فالرب نور لي.

رابعا: ابونا الكاهن متعود على سماع الخطايا فمتفتكريش انه انتى الوحيده اللى وقعت فى خطية صعبة، و كمان متفتكريش انه الكاهن هيقول عليكى بنت وحشة علشان عملتى كذا و كذا لكن على العكس هيكون فخور بيكى علشان بتدورى على ابديتك و عايزة تعيشى مع المسيح و هيبقى فرحان لرجوعك زى ما المسيح هيكون فرحان قوى برجوعك لانه فى النهاية الكاهن هو خادم المسيح و شغلته هى انه يساعد الناس انها تتوب و ترجع...خليكى شجاعة و قدمى توبه و اعتراف حتى لو وقعتى مليون مرة...الكتاب المقدس بيقول(اَلْجَامِعَةِ  9 : 4) لانه من يستثنى لكل الاحياء يوجد رجاء فان الكلب الحي خير من الاسد الميت.


<< الموضوع التالى رجوع لقائمة المواضيع >> الموضوع السابق >>  
إتصل بموقع مسيحى | من نحن | سياسة موقع مسيحى
Copyright © 2008 Masi7i.com. All rights reserved.
Site Designed By Egygo.net, Managed by M3webz.com forWeb Design Egypt