الصفحة الرئيسية
بحث مخصص
ألحان | ترانيم | كتب | تأملات | كنسيات | مجلات | مقالات | برامج
قالوا عن المسيح | اسئلة
الكتاب المقدس | دليل المواقع | كنوز التسبيح
أخبار مسيحية | ستالايت | أقوال الأباء | مواهب | إكليريكية | الخدمة | فيديو | قديسين
June 26, 2017
أخبر صديقك عن مسيحى إجعل مسيحى صفحتك الرئيسية صفحة مسيحى الرئيسية
المجتمع القبطى > اسئلة > ركن جدو كرمشة

الحب غلط او حرام ولا لأه

<< الموضوع التالى رجوع لقائمة المواضيع >> الموضوع السابق >>  
نشرت بواسطة
gedo_karmasha
Search
Date Submitted: 3/9/2008 4:25 pm
Status: Approved Views: 3115
 

يا جدو انا بعتلك قبل كده ومرددش عليا انا كونت بسال اذا كان الحب غلط او حرام ولا لاءه انا كونت بكلم واحد مسيحي من علي النت وطلب انوه يقابلني فانا خوفت فقفلت الموضوع ده خالص وبقالي شهر مش بكلمه بس انا كل يوم بفكر فيه وبشوف صورته في كل وقت وكل كلمه تفكرني بيه انا مش عارفه اذاكونت بحبه ولا بحب الحب نفسه انا دايما وسط الناس بهزر واضحك لكن لما بكون لوحدي بكون حزينه وبفكر فيه وحياة المسيح يا جدو رد عليا انا مش لاقيه حد اتكلم معاه هموت لو مرددش عليا عايزه احس ان حد سامعني وفاهمني
rooona

معلهشى يا رووونا، كتر الرسايل خلانى اتحول...مشفتهاش سامحينى ..الحب مش غلط بالعكس الحب هو اساس المسيحية دة الله نفسه وصف نفسه بانه محبة، و من حبه الغير محدود لينا جه الأرض و دفع تمن خطايانا فى كل الاجيال و شالها بدالنا و اخد حكم الموت اللى كان فى الاصل بتاعنا لانه هو قدوس. تقوليلى ياعم جدو انت شاكلك مش عايش معانا...انا بتكلم عن عن الحب، الأمووور يعنى، اقولك الحب مش بيتجزأ، الحب زى طاقة جوانا عايزة تتوجه صح، الول اعرف إزاى احب ربنا صح و بعد كده من نتائج الحب ده اعرف احب اللى حوالايا زى حبى لبابا و ماما و اخواتى و بعد كده الحب الزيجى اللى بهدف الارتباط و تكوين اسرة برضه تحب المسيح اللى هو الله. بس الحب الزيجى ده مرتبط بالنضوج يعنى لازم اكون عديت مثلا مرحلة التين، يعنى لان سمات المرحلة دى التقلب، بحب جامد قوى و أكره جامد قوى و اصحابى بتوع النهارده مش هما بتوع بكرة و اللى افتكر انى بحبه و بموت فى دباديبه يطلع انى بس معجبة بيه، يعنى المشاعر فى السن ده بتبقى عايزة ظبط زوايا لانها بتحدف كتير مرة يمين و مرة شمال، لكن لما بنكبر شويه و ندخل فى العشرينات الموضوع ده بيهدى و نبتدى نعرف و نفهم مشاعرنا.

خللى بالك ان كل واحد فينا محتاج للحب يحب و يتحب، و اللى بيشبع الاحساس ده هو وجود ربنا فى حياتنا فمش اى حد يقوللنا كلمة حلوة نرمى نفسنا عليه و نقول ده حب ، الحب اللى عالنت مش حب، ده لأن احنا مفتقرين للحب الحقيقى و هى تبقى يادوب حته لقمة ناشفة، لكن لما بيجى الحب الحقيقى بنختبره فى مظلة حب المسيح اللى طول الوقت جوانا، يارب هوه ده ولا لأ، و المسيح يجاوب علينا براحة للموضوع، او تحسى انه لأ مش هوه ده استنى شويه، كمان موافقه الاهل و مشورة اب الاعتراف يخلونا مناخدش صدمات عاطفيه عمال على بطال، يكون فيه مشورة منهم يفرملونا او يباركوا الموضوع فنكمل

وطول الوقت بشرك المسيح فى كل تفاصيل حياتى ده يدينى الفرصه انى اختبر الحب الحقيقى اللى متبارك من ربنا و بمشورة الاهل و اب الاعتراف

كل ما تحسنى انك لوحدك اتكلمى مع ربنا او عن ربنا ده ينور حياتك و يخليها مفرحة و ساعتها الفرح مش هيبقى مرتبط بنكته حلوة سمعتيها او موقف حلو فرحك لكن تعيشى دايما فرحانه بالمسيح اللى جواكى سبب فرحتك

 


<< الموضوع التالى رجوع لقائمة المواضيع >> الموضوع السابق >>  
إتصل بموقع مسيحى | من نحن | سياسة موقع مسيحى
Copyright © 2008 Masi7i.com. All rights reserved.
Site Designed By Egygo.net, Managed by M3webz.com forWeb Design Egypt