الصفحة الرئيسية
بحث مخصص
ألحان | ترانيم | كتب | تأملات | كنسيات | مجلات | مقالات | برامج
قالوا عن المسيح | اسئلة
الكتاب المقدس | دليل المواقع | كنوز التسبيح
أخبار مسيحية | ستالايت | أقوال الأباء | مواهب | إكليريكية | الخدمة | فيديو | قديسين
October 23, 2017
أخبر صديقك عن مسيحى إجعل مسيحى صفحتك الرئيسية صفحة مسيحى الرئيسية
المجتمع القبطى > اسئلة > ركن جدو كرمشة

لم احتفظ بعفتي

<< الموضوع التالى رجوع لقائمة المواضيع >> الموضوع السابق >>  
نشرت بواسطة
gedo_karmasha
Search
Date Submitted: 3/3/2008 11:29 pm
Status: Approved Views: 1574
 

جدو ارجو الرد بسرعة انا اتعرفت على شاب وحبيته جدا وتطورت بينا العلاقة الى الزنا مع العلم اني لم احتفظ بعفتي واني باخذ حبوب منع الحمل هو فهمني انه هيتجوزني مش ديه المشكلة ياجدو المشكلة اننا اعترفنا احنا الاتنين وابونا قالنا منعملش كده تاني لحد منتجوز وعملنا برضوه المهم ياجدو بعد كل اللي حصل بينا ده جيت اكتشفت ان الشخص ده مينفعش يحمل مسؤلية اسرة اولا بيعرف بنات كتيرة وبيشتم بالفاظ فظيعة متلقش بشخص مسيحي وبيدخل اصاحبه في مشاكلنا غير انه عصبي جدا ولما بيتعصب مبيعملش حساب لحد وطايش ولما اكون عاملة شئ غلط بقوله باعتبار ان احنا كده في حكم المتجوزين بيفضل يتخانق من غير مايديني فرصة ادافع حتى عن نفسي فاانا عارفة دلوقتي ان الشخص ده ميصلحش يكون زوج لاي حد ووالدته كمان عارفة كده لدرجة انها ساعات بتكلمني وتقولي انا عارفة ان ابني محدش يقدر يستحمله بس معلش حاولي تغيريه واكلمه ويتأثر بالكلام ويتغير لفترة وبعدين يرجع تاني اعمل ايه ياجدو رد عليا بسرعة انا بفكر اسيبه لاني لو اتجوزته بيتنا هيبقى متدمر وفي نفس الوقت اللي حصل بينا رابطني بيه وكمان هو طيب اوي بس مش عنده شخصيه مع اي حد وبيجي لحد عندي ويعمل عنده شخصية وبيكدب كتير وجبان يعني بيجي قدام الناس ويهزأني قدامهم ويخليهم ياخدو عليه وبعدين لما يلاقيني اتضايقت يحاول يعمل حاجه بس بيخاف انا بفكر اسيبه لانه مش هينفعني ومش هتجوز تاني لاني مش بنت اساسا ومقبلش اتنين يلمسو جسمي اعمل ايه ياجدو لو حاولت اترهبن ممكن ينفع ياريت ترد عليه بسرعه ياجدو وربنا يباركك على تعاونك معانا
س

زى ما قال قداسة البابا فى عظة قريبة له ربنا يستر عليكى يا بنتى... دى قاعدة الولد اللى بيغلط مع بنت بيبقى مش عايز يتجوزها

وربما يكون ده السبب فى انه بيعاملك بطريقة وحشة،
لازم ترجعى لأبونا تانى بس قبل ابونا لازم تقدمى توبة عميقة قوية لربنا، و ثقى فى مراحم الله الواسعة اللى بتقبلنا احنا الخطاة ولازم تعرفى ان الزنا مش حاجة سهلة دى خطية صعبة قوى على قلب ربنا و هى وصية من الوصايا القديمة قوى للإنسان لا تزن

اما مسألة جوازك فياريت لو تعجلوا بموضوع الجواز و تصلى ان ربنا يتدخل علشان يحسن اخلاقه و انتى من ناحيتك اطلبى منه بهدوء ان يتعامل معاكى باحترام و ياريت تدخلى ابونا فى الموضوع ده.

صلى كتير و اربطى نفسك بالكنيسة و القداسات و اوعى ترجعى تانى للخطية و جاهدى حتى الدم زى ماقال الكتاب المقدس يعنى اموت ولا اكسر قلب ربنا

اما موضوع الرهبنة فده مش حل للهروب، الناس بتترهبن مش علشان تهرب من العالم لكن علشان تنحل من العالم علشان عندها اللى اهم من العالم و كل اللى فيه، يعنى الدنيا و كل اللى فيها بيتضاءل و يصغر لدرجة الاستغناء عنه قصاد محبة المسيح اللى بتغمر القلب و الفكر و الحواس و الكيان...و كمان الرهبان و الراهبات بيبقوا عايشين الرهبنة فى بيوتهم قبل مايروحوا الدير، يعنى عايشين فى صلوات مستمرة وقانون روحى قوى و اصوام، فلما يروحوا الدير يكونوا متعودين على العيشة هناك اللى كلها نسكيات و زهد فى العالم و ملذاته و جهاد ضد النفس و الجسد و العالم و الشيطان....لو حسيتى الاحساسات دى و عيشتى العيشة دى يبقى فكرى فى الرهبنة

ربنا يحميكى من عدو الخير ويحافظ عليكى و يشملك بعنايته و حضنه الدافى و بركة الانبا موسى الاسود و القديس اغسطينوس و القديسة مريم المصرية التائبة  وصلواتهم عنك و عنا تحفظنا


<< الموضوع التالى رجوع لقائمة المواضيع >> الموضوع السابق >>  
إتصل بموقع مسيحى | من نحن | سياسة موقع مسيحى
Copyright © 2008 Masi7i.com. All rights reserved.
Site Designed By Egygo.net, Managed by M3webz.com forWeb Design Egypt