الصفحة الرئيسية
بحث مخصص
ألحان | ترانيم | كتب | تأملات | كنسيات | مجلات | مقالات | برامج
قالوا عن المسيح | اسئلة
الكتاب المقدس | دليل المواقع | كنوز التسبيح
أخبار مسيحية | ستالايت | أقوال الأباء | مواهب | إكليريكية | الخدمة | فيديو | قديسين
June 24, 2017
أخبر صديقك عن مسيحى إجعل مسيحى صفحتك الرئيسية صفحة مسيحى الرئيسية
المجتمع القبطى > اسئلة > ركن جدو كرمشة

مغلوب من عدو الخير

<< الموضوع التالى رجوع لقائمة المواضيع >> الموضوع السابق >>  
نشرت بواسطة
gedo_karmasha
Search
Date Submitted: 3/3/2008 5:20 pm
Status: Approved Views: 2449
 

انا مش قادر ادخل الكنيسة علشان امارس اى اسرارواكيد منها الاعتراف .انا مش بعترف من بدرى بس كان لية اب اعتراف .وطبيعى جدا دلؤتى انى اكون اعمى عايش فى الظلام وده انا اتعودت عليه من فترة كبيرة .بس المشكلة انى دلؤتى مش بعرف انام ولا امشى خطوة فى حياتى لانى اعمى انا دلؤتى ضعت اكتر من الابن الضال ومعنديش الشجاعة انى اقوم وارجع الى ابى ولا حتى انى اكلم اى اب كاهن عندى مشاكل وهموم مش عارف اكمل حياتى بيها ولا عارف انام بسببها. انا اسف لو سؤالى خارج مواضيعكم بس حسيت انى ممكن الاقى عندكم مساعدة وكلامى مينفعش يكون فى المنتدى العام لانها حاجات صعبة اوى ان اى حد يعرفها عنى او اتكلم فيها معاه انا بس محتاج اتكلم مع حد ميعرفنيش بس يعرف ربنا ويقولى اعمل ايه ملحوظة انا لست عضوا فى موقع مسيحى
مغلوب من عدو الخير

بص انت ربنا بيحبك و مش ناسيك و هو حاسس بكل اللى بتمر بيه و عايز ينقذك من كل اللى وقعت فيه  خليك متأكد طول الوقت من كده، بس ربنا ميقدرش يقتحمك ولا يفرض نفسه عليك، لازم انت تطلبه بنفسك لو انت عايز تغير طريقة حياتك و تخليها فى النور.  و الجميل فى الموضوع ان غفران المسيح لخطايانا لسه ببلاش يعنى خدمة مجانيه تقدر تحصل عليها
أولا لازم تطلب ربنا فى صلاه بسيطة تقول فيها ايه اللى انت عايزه منه، مش هاقولك صلاة ترددها ورايا، لكن اللى انت حاسه ناحية ربنا قوله من غير تزويق و دى خطوة التوبة

ربنا اكيد هيقبلك لانه ماجاش الارض علشان الابرار و القديسين لكنه نزل من سماه و احتمل العار من اجل الخطاه اللى زى و زيك، وفرحتع برجوع الخطاه لا توصف
ناقص انك تحصل على الغفران اللى ببلاش ده عن طريق الاعتراف عند ابونا، زى ما تكون كسبت شيك بمليون جنيه بس لسه مصرفتهوش، لما تروح لابونا و تعترف تاخد صك الغفران و انت ماشى و زى ما بيقول قداسة البابا شنودة تاخد حل بكسر الحاء و حل بفتح الحاء، حل للمشاكل و خلاص من الخطايا، متخافش من موضوع الاعتراف و كن رجلا، اعترفك بالخطية اللى بتتعمل فى السر بيفضحها و ميخليلهاش سطوة عليك و بيفضح اعمال الشيطان فتهرب من تحت ايده و تروح تحت ايدين المسيح و تصير الغلبة للمسيح و الشيطان ينهزم و تبقى الحرب مش بينك و بين الشيطان لكن بين الله و الشيطان فتضمن الانتصار
اما مسألة الكسوف دى اللعبة اللى بيلعبها عليك ابليس عشان يبعدك عن سر انتصارك، بس تأكد ان ابونا كل يوم بيجى غيرك يعترف بخطايا مشايهة و اكتر كمان منك و تكون النتيجة انهم بتخلصوا من تقل الشيلة اللى شايلينها و انت لأ!! متحرمش نفسك من خلاص ربنا اعدهولك و لا مجد فى  السما ربنا شايلهولك و متخليش حد ياخد اكليلك ولا تضيع عمرك فى نفس اللى انت فيه

التناول بعد الاعتراف يديك قوة و يثبتك فى المسيح و بيه تقدر تنتصر على نفسك و الشيطان و ربنا يخلق منك انسان جديد

لو وقعت تانى و تالت و ميه متيأسش

قول لا تشمتى بى يا عدوتى لانى ان سقطت اقوم و ان مشيت فى الظلمة فالرب نور لى
و متنساش ازاى المسيح فتح عينين الاعمى، ده كان مولود من غير عينين اصلا، خلق له عينتين جداد


<< الموضوع التالى رجوع لقائمة المواضيع >> الموضوع السابق >>  
إتصل بموقع مسيحى | من نحن | سياسة موقع مسيحى
Copyright © 2008 Masi7i.com. All rights reserved.
Site Designed By Egygo.net, Managed by M3webz.com forWeb Design Egypt