الصفحة الرئيسية
بحث مخصص
ألحان | ترانيم | كتب | تأملات | كنسيات | مجلات | مقالات | برامج
قالوا عن المسيح | اسئلة
الكتاب المقدس | دليل المواقع | كنوز التسبيح
أخبار مسيحية | ستالايت | أقوال الأباء | مواهب | إكليريكية | الخدمة | فيديو | قديسين
August 16, 2017
أخبر صديقك عن مسيحى إجعل مسيحى صفحتك الرئيسية صفحة مسيحى الرئيسية
المجتمع القبطى > اسئلة > ركن جدو كرمشة

والبنت ده غير مسيحية ،وانا مش عارف اعمل ايه

<< الموضوع التالى رجوع لقائمة المواضيع >> الموضوع السابق >>  
نشرت بواسطة
gedo_karmasha
Search
Date Submitted: 2/26/2008 2:31 pm
Status: Approved Views: 672
 

ياجدو بجد انا بجد زعلان منك اوى اوى انت ليه مش بترد عليا انا بعتلك كتير وانت مش بترد خالص صدقنى انا مش عارف اعمل ايه يارب ترد عليا المرة ده بجد انا فى مشكلة انا كلمت بنت من على النت بقالى فى حدود خمس شهور والبنت ده غير مسيحية ،وانا مش عارف اعمل ايه وكل مااجى اسيبها اضايق اليوم اللى مش بكلمها فيه بكون مضايق جدا جدا ياجدو انا خايف اكون حبتها انا مش عايز احبها بجد بس انا عمرى ماقابلتها بتكلم معاها نت وموبايل بس انا بجد خايف موت اكون حبتها بس انا ياجدو عايز اسيبها ومش عارف بس المشكلة انا عايز اسيبها وفى نفس الوقت اكون مش مضايق قولى اعمل ايه؟ بجد انا فى مشكلة فعلا ياريت ترد عليا المرة ده بجد لانى فى مشكلة وربنا يباركك على خدمتك وتعبك.
اوين

عزيزى اوين،
انا دايما انصح اللى بيعملوا تشات انهم يتكلموا مع ناس يعرفوهم من الاصحاب و من القرايب ده بيمنع مشاكل كتير. اما موضوعك ده فمتخافش ده مش حب لكنه نوع من التعود او التعلق العاطفى و لو شغلت نفسك باى حاجة تانيه هتنساه خالص و نصيحتى ليك انه فعلا تنساه، إحنا علاقتنا مع كل الناس علاقة اخوة و زمالة و جيرة لكنها لا تصلح إطلاقا للإرتباط ، لأن الكنيسة بتشترك ان اللى يرتبطوا يكونوا من نفس الطائفة يعنى الاورثوذكس يرتبطوا فقط بالأورثوذكس تقوم تقوللى دى مش مسيحية اصلا...فالإرتباط ده محكوم عليه بالفشل فقبل متورط نفسك، انسحب بهدوء , إشغل نفسك فى أى شىء مفيد تستثمر بيه وقتك اللى المسيح حيسألك عليه عملت بالوقت اللى ادتهولك ايه؟ كمان الكتاب المقدس بيقول أذكر خالقك فى ايام شبابك
عايز اقولك كمان إن الحب مشاعر متتشافش فى الشات و لا حتى عبر التليفون، لازم فيه المواجهة و المواقف المشتركة هى اللى بتكشف عن الحب،  لأن الحب مش مجرد شوية كلام حلو واحد بيقوله  لواحدة بيحبها، لكن الحب أعمق من مجرد الكلام. الحب مسؤلية مشتركة و تضحية و بذل يعنى زوج بيتعب فى شغلة علشان زوجته و زوجة بتساعده من خلال شغلها برة او جوة البيت كل واحد بيعبر عن حبه بمواقف فيها تعب و بذل بالاضافة عن التعبير بالكلام الحلو و الهدايا و اى طريقة تانيه لكن اللى بيقوى الحب هو ان كل واحد بيبذل مجهود و فلوس و وقت من اجل الآخر

يعنى الكلام الحلو بس هو رومانسية و الومانسية بس لا تعتبر حبا لكنها تعبير عن الحب

أما بالنسبة لحالتك ده نوع من التعلق العاطفى و العادة اللى اتعودت عليها كل يوم لكنه مش حب خالص و العاده ممكن تستبدل بعاده تانية يعنى ممكن فى الوقت ده تقوم تصلى و تكشف لربنا كل مشاعرك زى ماهى و هو امين انه يخلصك من اى مشاعر غريبة دخلت و عششت جوه قلبك و تاكد انه ربنا هيفرحك فى الوقت المناسب بحب يملا قلبك بجد


<< الموضوع التالى رجوع لقائمة المواضيع >> الموضوع السابق >>  
إتصل بموقع مسيحى | من نحن | سياسة موقع مسيحى
Copyright © 2008 Masi7i.com. All rights reserved.
Site Designed By Egygo.net, Managed by M3webz.com forWeb Design Egypt