الصفحة الرئيسية
بحث مخصص
ألحان | ترانيم | كتب | تأملات | كنسيات | مجلات | مقالات | برامج
قالوا عن المسيح | اسئلة
الكتاب المقدس | دليل المواقع | كنوز التسبيح
أخبار مسيحية | ستالايت | أقوال الأباء | مواهب | إكليريكية | الخدمة | فيديو | قديسين
August 20, 2017
أخبر صديقك عن مسيحى إجعل مسيحى صفحتك الرئيسية صفحة مسيحى الرئيسية
المجتمع القبطى > اسئلة > ركن جدو كرمشة

قولى ازاى اتعب فى الخدمة

<< الموضوع التالى رجوع لقائمة المواضيع >> الموضوع السابق >>  
نشرت بواسطة
gedo_karmasha
Search
Date Submitted: 2/23/2008 12:13 pm
Status: Approved Views: 629
 

انا فى الخدمة بتعتى لية مش بحس بتعب الخدمة نفسى اتعب اكتر عشان اوصل لقلب ربنا قولى ازاى اتعب فى الخدمة
ج

الخدمة حب اولا و قبل أى حاجة، طاقة حب لربنا و للناس اللى بعيدة عن ربنا، جوايا طاقة عايزة تطلع عايز كل الناس تعرف ربنا و تشبع بيه زى ما أنا شبعان بيه، عايز الناس تدوق الفرح زى ما انا دقته، زى ما داود النبى بيقول ذوقوا و انظروا ما أطيب الرب
الخدمة بذل و عطاء ...بذل للجهد و الوقت و المال...اطلبى من ربنا انه يفرحك كل ما تبذلى حاجه منهم و كل ما تفرحى تبقى عايزة تدى كمان، الخدمة قرب من ربنا يسوع الحنون اللى كان بيرسل تلاميذه للخدمة و بعد ما يرجعوا يقعدوا يتكلموا معاه ايه اللى قابلهم و ايه المشاكل اللى وقفت قدامهم، زى ما هو مكتوب فى انجيل لوقا:" ولما رجع الرسل حدثوه بما فعلوا فأخدهم معه عى انفراد" يعنى مينفعشى نخدم بعيد عن ربنا يسوع المسيح
الخدمة فيها صلاة من أجل المخدومين و إخواتى الخدام، فى مخدعى اقبل  ما احضر درس لازم اصلى اطلب من ربنا يدينى كلمة احضرها و اقوله ولادك مش عارف اقوللهم ايه. و قبل ما اقول الدرس اللى حضرته لازم أصلى و أقولله يارب أيد كلامك برحك القدوس علشان كلمتك المحييه تثبت فى ولادك وفى انا قبليهم. فى الافتقاد لازم اطلب من ربنا يسبقنى و يعد القلوب علشان تسمع وتقبل انها تيجى

الخدمة جميلة و ممتعة علشان الواحد بيتعلم فيها من المسيح اللى امين انه يعلم الخادم قبل المخدوم، و كما ن بتربطنى بالمسيح و بالقداسات و بالكتاب المقدس و كلمة الحياة اللى بتثمر فى زى ما بتثمر فى المخدومين

فى النهايه مفيش فضل لى فى حاجة المسيح اللى بيعمل كل حاجة و هو اللى بيغير قلوب الناس  بالحب اللى احبنا بيه اولا

إزاى اتعب...احب الاول و بعدين التعب ييجى بعدين لما احب المخدومين و ازاى احبهم لازم اخد الحب من المسيح لما يبقى لى علاقة بيه و بحبه ساعتها اقدر احب ولاده ساعتها حخدمهم وساعتها هتعب علشانهم


<< الموضوع التالى رجوع لقائمة المواضيع >> الموضوع السابق >>  
إتصل بموقع مسيحى | من نحن | سياسة موقع مسيحى
Copyright © 2008 Masi7i.com. All rights reserved.
Site Designed By Egygo.net, Managed by M3webz.com forWeb Design Egypt