الصفحة الرئيسية
بحث مخصص
ألحان | ترانيم | كتب | تأملات | كنسيات | مجلات | مقالات | برامج
قالوا عن المسيح | اسئلة
الكتاب المقدس | دليل المواقع | كنوز التسبيح
أخبار مسيحية | ستالايت | أقوال الأباء | مواهب | إكليريكية | الخدمة | فيديو | قديسين
October 22, 2017
أخبر صديقك عن مسيحى إجعل مسيحى صفحتك الرئيسية صفحة مسيحى الرئيسية
المجتمع القبطى > اسئلة > ركن جدو كرمشة

ازاي الواحد يخلي زاتة ويخلي المسيح هو اللي يظهر؟

<< الموضوع التالى رجوع لقائمة المواضيع >> الموضوع السابق >>  
نشرت بواسطة
gedo_karmasha
Search
Date Submitted: 2/21/2008 1:00 am
Status: Approved Views: 594
 

اشكرك جداجداجداجدايا جدو انا مبسوطة خالص علشان انت رديت علي ووفقت انك ترد علي اسالتى علي فكرة انا اسالتى عادية ممكن الخادم او ابونا يرد عليها لكن اب اعترافي هو الوحيد اللي باقعد اتكلم معاة لانى لما باسال بابااو ماما يقولولي مش عارفين او يتهربوا من الرد حتي الخدام في حاجات كتيرة مش بيعرفوهااو يقولوا اي حاجةمش مقنعة  انا عندى سؤال صغير علشان مش اطول عليك ازاي الواحد يخلي زاتة ويخلي المسيح هو اللي يظهر زي ما الاية بتقول "احيا لا انا بل المسيح يحيا فى
كى اس ان

بصى هو المسيح أخلى ذاته، لانه و هو الله الخالق الذى كل شىء به كان و بغيره لم يكن شىء، تنازل و اخذ صورة عبد صائرا فىالهيئة كأنسان و أطاع حتى الموت موت الصليب. يعنى المسيح كان عنده ما تخلى عنه، لكن أحنا عندنا ايه نخليه ....التراب لما يحب يخلى نفسه يعمل ايه؟ هى دى البداية انى احس انى ولا حاجة و مداريش نفسى فى تعليم و لا غنى و لا مركز و لا لبس و ابقى عارف حقيقتى كويس عارف انى من التراب أخذت و اللى التراب اعود، و كل امكانياتى هى منسوبة لربنا مش ملكى لكنى امين عليها ، لو ربنا إدانى مركز او غنى او مواهب معينة ، اسأل نفسى ليه ربنا ادانى ده او حطنى فى المكان ده؟ و هو ايه غرضه؟ و ازاى احقق مشيئته؟ و ابتدى استخدم اللى عندى واللى معنديش فى تمجيد اسم ربنا، يعنى لو كنت فقير أتعلم اشكر و لو غنى اتعلم ادى و لو فى مركز معين استخدمه مش للتنطيط على خلق الله لكن فى محبتهم و بكده ربنا يبتدى يظهر فى لأن الله دائما يعمل فى الضعفاء و الفقراء لمعونة ربنا  و الناس اللى بينسبوا كل حاجة لمجد ربنا ولو تتبعتى عمل الله من خلال الكتاب المقدس حتلاقى مع موسى الله عمل فيه بعد ما تجرد من كل حكمة المصريين و غناه وسلطته ساعتا الله صنع منه موسى العظيم. و كل شخص يحس بضعفه امام الله يرفعه و يعمل من خلاله، لأن الشخص القوى لايحتاج الله لكنه معتمد على نفسه و ذاته علشان كده يقول يقاوم الله المستكبرين بفكر قلوبهم و  الست العذراء تقول فى صلاتها الجميلة فى انجيل لوقا الاصحاح الاول
 لانه نظر الى اتضاع امته.فهوذا منذ الآن جميع الاجيال تطوبني.
لان القدير صنع بي عظائم واسمه قدوس.
ورحمته الى جيل الاجيال للذين يتقونه.
صنع قوة بذراعه.شتّت المستكبرين بفكر قلوبهم.
أنزل الاعزاء عن الكراسي ورفع المتضعين.
اشبع الجياع خيرات وصرف الاغنياء فارغين

يبقى النصيحة هى التواضع امام الله، و التواضع هو انى اعرف ان كل اللى عندى هو من الله، و زى ماقال المسيح مهما فعلتم فقولوا اننا عبيد بطالون
و من افتخر فليفتخر بالرب


<< الموضوع التالى رجوع لقائمة المواضيع >> الموضوع السابق >>  
إتصل بموقع مسيحى | من نحن | سياسة موقع مسيحى
Copyright © 2008 Masi7i.com. All rights reserved.
Site Designed By Egygo.net, Managed by M3webz.com forWeb Design Egypt