الصفحة الرئيسية
بحث مخصص
ألحان | ترانيم | كتب | تأملات | كنسيات | مجلات | مقالات | برامج
قالوا عن المسيح | اسئلة
الكتاب المقدس | دليل المواقع | كنوز التسبيح
أخبار مسيحية | ستالايت | أقوال الأباء | مواهب | إكليريكية | الخدمة | فيديو | قديسين
August 20, 2017
أخبر صديقك عن مسيحى إجعل مسيحى صفحتك الرئيسية صفحة مسيحى الرئيسية
المجتمع القبطى > اسئلة > ركن جدو كرمشة

انا خجلانة من نفسى

<< الموضوع التالى رجوع لقائمة المواضيع >> الموضوع السابق >>  
نشرت بواسطة
gedo_karmasha
Search
Date Submitted: 2/21/2008 12:28 am
Status: Approved Views: 1408
 

تعبت لدرجت انى كرهت نفسى
ارجوك جدو رد عليا بسرعة انا بنت  عندى 20 سنة و للاسف و انا خجلانة من نفسى و نقول انى بمارس العادة السرية و حاولت كتير ابطل لكن سعات برجع لدرجت انى بقيت بحتقر نفسى و المشكلة الاكبر انى هرتبط قريب طب ازاى احب واحد و انا بكرة نفسى ارجوك جدو رد عليا انا تعبت قووووووووووووووى
جراح

أهم حاجة انك بتكرهى الخطية ودى حاجة جميلة فيكى و الحاجة التانية انك بتحاولى تبطلى و دى حاجة ربنا بيحبها فيكى، بس الحاجة اللى عايز اقولك عليها اوعى تجاهدى ضد الخطية لوحدك، لانك لوحدك مش هتقدرى عليها خلى المسيح يدخل معاكى فى الحرب دى انتى تعملى اللى عليكى و المسيح يكمل و يديكى النصرة( و زى ما نيافة الانبا موسى اسقف الشباب قال فى رد على سؤال مشابه أن الخطايا الشبابيه مرتبطة بسن معين هيجى وقت و تروح لحالها بس شرط انه احنا منهولش و منهونش يعنى و الكلام لسه للأنبا موسى منخليش الدنيا سوده و نقع فى اليأس و منقولش فى نفس الوقت ما فى كتير بيقعوا و احنا كمان زيهم) اوعى تنسى المسيح ازاى عمل القديس العظيم موسى الاسود ازاى كان زانى و قاتل و سارق و صنع منه إناء للكرامة و الطهارة و السيرة العطرة ولا القديسة مريم المصرية اللى كانت مليانه خطية خلاها مليانه طهارة و عفة و أصبحت قديسة عظيمة ...اوعى تيأسى لما الخطية تضغط عليكى و تلح عليكى قولى ياربى يسوع المسيح اعنى، و حتى لو وقعتى ...اقفى و صلى وقدمى توبه و قولى للمسيح قد ايه انا ضعيفة وقولى لاتشمتى بى يا عدوتى لانى ان سقط اقوم و ان مشيت فى الظلمة فالرب نور لى، و اوعى تفقدى رجائك فى المسيح ..ده حنين وقلبه طيب زى البفته هيقبلك و هيغطيكى بستره و حبه العجيب
إبعدى عن المكان و الاسباب اللى توقعك و تشفعى بكل القديسين اللى تعرفيهم و اللى متعرفيهمش
و اوعى تبعدى عن الاعتراف و التناول و هما هيكونوا سر انتصارك و فرحتك

وعن الارتباط، متخليش الموضوع ده يشغلك طول ما انتى بتجاهدى ضد الموضوع ده ...طول ما انتى ماشية صح، لكن اوعى تكسلى عن جهادك
إشغلى وقتك فى مواقع مسيحية، او اشتركى فى خدمة و اقرى سير قديسين يكونوا جاهدوا نفس الجهاد ده زى مريم المصريه و موسى الاسود و القديس اغسطينوس و غيرهم كتير
وقولى دايما استطيع كل شىء فى المسيح الذى يقوينى


<< الموضوع التالى رجوع لقائمة المواضيع >> الموضوع السابق >>  
إتصل بموقع مسيحى | من نحن | سياسة موقع مسيحى
Copyright © 2008 Masi7i.com. All rights reserved.
Site Designed By Egygo.net, Managed by M3webz.com forWeb Design Egypt