الصفحة الرئيسية
بحث مخصص
ألحان | ترانيم | كتب | تأملات | كنسيات | مجلات | مقالات | برامج
قالوا عن المسيح | اسئلة
الكتاب المقدس | دليل المواقع | كنوز التسبيح
أخبار مسيحية | ستالايت | أقوال الأباء | مواهب | إكليريكية | الخدمة | فيديو | قديسين
October 22, 2017
أخبر صديقك عن مسيحى إجعل مسيحى صفحتك الرئيسية صفحة مسيحى الرئيسية
المجتمع القبطى > اسئلة > ركن جدو كرمشة

حاسه ان مفيش حد بيحبني

<< الموضوع التالى رجوع لقائمة المواضيع >> الموضوع السابق >>  
نشرت بواسطة
gedo_karmasha
Search
Date Submitted: 2/20/2008 2:49 pm
Status: Approved Views: 850
 

 حاسه ان مفيش حد بيحبني مش عارفه ليه
كيفيه التغلب علي فتح المواقع الوحشه
BASKOTA

ليه بالعكس كل الناس بتحب البسكوت و خصوصا مع الشاى و اللبن  من الاطفال لغاية العواجيز اللى زى، بصى با بسكوتة ساعات الناس بتكون بتحب بس مبتعرفشى تعبر عن حبها يعنى لو شفتى بابا و ماما فى البيت هتلاقى انهم بيحبوكى زى عنيهم لكن مش هتلاقيهم عمالين كل شويه يقولولك على فكرة احنا بنموت فيكى، و ده لان المجتمع الشرقى عموما الناس تعودت على انها تخبى عواطفها و ده مش شىء صحى، لكن تعالى يوم تكونى عيانة و هتشوفى لهفتهم عليكى. بس الحب اللى انا عايز اكلمك عليه هو حب ربنا ليكى اللى انتى يمكن مش واخدة بالك منه، ربنا بيحبك قوى بصورة متتخيلهاش، حتقوليلى ده بيحب القديسين و الملائكة و الناس الكويسة حقولك اه أكيد بيحبهم لكنه ساب السما و نزل على الأرض مش علشان الابرار و الناس الطيبين الكْمل لكن هو اللى قال
ما جئت لأدعو أبرارا بل خطاه اللى التوبة،
وقيل عنه انه كان محب للعشارين و الخطاة
و اتقال كمان عنه انه هكذا .....و خلى بالك قوى من كلمة هكذا دى....هكذا أحب الله العالم حتى بذل ابنه الوحيد لكى لا يهلك كل من يؤمن به
يعنى بكل هذا المقدار احب الله العالم، العالم بكل ما فيه من ناس الحلوين و الوحشين و حتى اللى بيفتحوا المواقع الوحشة، ربنا احبهم و صعب عليه انه يسيبوه هو مصدر الحب الحقيقى و مصدر النعمة وراحوا يفتحوا المواقع الوحشة

ارمياء النبى قال زمان عن الله: تركوني انا ينبوع المياه الحية لينقروا لانفسهم ابآرا ابآرا مشققة لا تضبط ماء
و فى اوقات كتيرة بنضيعها و إحنا بنبعد عن مصدر الفرح الحقيقى و الشبع الحقيقى و نروح ندور على ابار مخرمه مفيهاش ميه بل بالعكس بنعطش زياده

الحل فى ان الواحد يبعد عن المواقع الاباحية انه اولا ميفتحهاش
بس علشان ميفتحهاش لازم يملا قلبه بالمسيح، يسمح ان المسيح يدخل حياته و هو بنفسه هيطرد كل الزبالة دة و يحط مكانها او يخلق مكانها قلب جديد مليان طهارة و عفة و نقاء و ده هو شغل المسيح اللى بيصنع المعجزات، بيخرج من الآكل أكلا و من الجافى حلاوة

خلى المسيح يدخل حياتك و اطلبى منه بصدق انه ينضفها و تقوليله زهقت من نفسى و مش عارفة اتصرف، تعال بنفسك نضف
كمان قراية الكتاب المقدس ينضف الافكار اللى مش كويسه
ولما الواحد يشغل نفسه باعمل كلها نعمة ده يغير الفكر شويه شوية

و الحاجة المهمة هى التناول من جسد الرب و دمه....الاتحاد بالمسيح اتحد بيه و اتغذى منه و يكون هو مصدر شبعى و فرحتى
و علشان اجهز نفسى للاتحاد بيه لازم اقدم توبه فى صلاة قويه صادقة مش تمثيل
و كمان زيارة لاب اعترافى اللى بقالى مده بتهرب منه

كل ده هيغيرنى و لان الكتب بيقول تغيروا عن شكلكم بتغيير اذهانكم
تغير طريقة تفكيرك يتغير شكلك و تصرفاتك و مين يقدر يغير الفكر غير المسيح

المسيح بيحبك يابسكوته هتعملى ايه قصاد حبه ده؟


<< الموضوع التالى رجوع لقائمة المواضيع >> الموضوع السابق >>  
إتصل بموقع مسيحى | من نحن | سياسة موقع مسيحى
Copyright © 2008 Masi7i.com. All rights reserved.
Site Designed By Egygo.net, Managed by M3webz.com forWeb Design Egypt