الصفحة الرئيسية
بحث مخصص
ألحان | ترانيم | كتب | تأملات | كنسيات | مجلات | مقالات | برامج
قالوا عن المسيح | اسئلة
الكتاب المقدس | دليل المواقع | كنوز التسبيح
أخبار مسيحية | ستالايت | أقوال الأباء | مواهب | إكليريكية | الخدمة | فيديو | قديسين
December 13, 2017
أخبر صديقك عن مسيحى إجعل مسيحى صفحتك الرئيسية صفحة مسيحى الرئيسية
المجتمع القبطى > اسئلة > ركن جدو كرمشة

انا سارة واحنا بدانا خدمة مسنين جديد

<< الموضوع التالى رجوع لقائمة المواضيع >> الموضوع السابق >>  
نشرت بواسطة
gedo_karmasha
Search
Date Submitted: 1/26/2008 2:16 pm
Status: Approved Views: 611
 

انا سارة واحنا بدانا خدمة مسنين جديد و كنا محتاجين اى معلومات عن الخدمة دى
سارة

بصى يا سارة خدمة المسنين عايزة صبر شديد قوى لان المسنين زى الأطفال بالظبط محتاجين للرعاية و للحب بعد سنين و سنين و بعد بعد الناس عنهم و الأهم من كده انهم بيحتاجوا لحد يسمع لهم الحكايات بتاعتهم من غير ملل حتى لو كرروا الحكاية اكتر من مرة كمان ممكن بعضهم يحتاج للنظافة فلازم الخدام ميقرفوش منهم ويفكروا انهم فى يوم من الايام هيحتاجوا نفس المساعدة دى و اللى ساعات تحتاج انه حد من الخدام يدخل التواليت مع حد من المسنين علشان يساعده و دى مش لكل الناس لكن الخدام الكبار اللى يقدروا على الخدمة دى كمان الادوية محتاجة تنظيم و ممكن عمل جداول وكل ما ياخد دوا معين يعلم بالقلم علشان موضوع النسيان وفى النهاية اى خدمة لازم تقوم على المسيح و تقديم الصلوات باستمرار و اشراك المسيح فيها ، كمان لازم نعلمهم التوبة و حياة الاستعداد و إزاى السما جميلة لان فيها المسيح نفسه بس بدون ما نحسسهم انهم عمرهم بينتهى على العكس نشوف انشطة جميلة و رحلات على حسب حالتهم الصحية و متنسيش انى جدو يعنى  عايز حد يخدمنى او يحكيلى حدوته

على فكرة فى بعض الكنائس عاملة خدمات خاصة للمسنين زى قداس خاص بيهم بيسموه قداس الحكماء، علشان يتقابلوا مع المسيح فيه و كمان تسميته حكماء علشان مننساش عطاؤهم ولا خدمتهم و لا تاريخهم و نتعامل معاهم بإحترام
وفيه كنايس عاملة نادى خاص بتسميه نادى جدو و تيته و بيكون فيه انشطة ترفيهية و خدمة طبية زى دكتور يقيس السكر و الضغط و يتابع حالتهم الطبية و الدكاترة دول ممكن يكونوا من شباب الكنيسة
وإحنا هنحاول ننشر أى خبرات او معلومات تجيلنا عن الخدمة الرائعة دى و ربنا يبارك عمل ايديكم بس متنسيش اى خدمة بعيد عن المسيح بتبقى خدمة اجتماعية مش بتوصل حد للسما


<< الموضوع التالى رجوع لقائمة المواضيع >> الموضوع السابق >>  
إتصل بموقع مسيحى | من نحن | سياسة موقع مسيحى
Copyright © 2008 Masi7i.com. All rights reserved.
Site Designed By Egygo.net, Managed by M3webz.com forWeb Design Egypt