الصفحة الرئيسية
بحث مخصص
ألحان | ترانيم | كتب | تأملات | كنسيات | مجلات | مقالات | برامج
قالوا عن المسيح | اسئلة
الكتاب المقدس | دليل المواقع | كنوز التسبيح
أخبار مسيحية | ستالايت | أقوال الأباء | مواهب | إكليريكية | الخدمة | فيديو | قديسين
October 23, 2017
أخبر صديقك عن مسيحى إجعل مسيحى صفحتك الرئيسية صفحة مسيحى الرئيسية
المجتمع القبطى > اسئلة > ركن جدو كرمشة

اين العدل المسيحي في موضوع الزواج؟

<< الموضوع التالى رجوع لقائمة المواضيع >> الموضوع السابق >>  
نشرت بواسطة
gedo_karmasha
Search
Date Submitted: 1/25/2008 1:24 am
Status: Approved Views: 1167
 

اين العدل المسيحي في موضوع الزواج اي كيف يمكن لزوج ان يكمل حياته طاهرا بعد ان تركته زوجته ورفضت العودة للبيت بسبب حجج وهميه وتدخلت الكنيسة للصلح ولكن الكنيسة فشلت معها ايضا فما مصيري الان انا اريد ان احافظ علي نفسي من النجاسة والكنيسة قالت لي هذا صليبك ونصيبك ولازم تتحمله ولكن هذا صعب بالنسبة ليا وانا اريد ان يكون لي بيت مسيحي وانا عاوز ااقوللك ما تقوليش انها زوجة واحدة عندنا اللي عاوز ااقوله ان الكتاب قال ما جمعه الله لايفرقة انسان وهناك زواجات ياجدوا تكون قد تجمعت بسبب اعمال شيطانية مثل السحر وخلافه وانا عاوز اعرف ليه الاباء ما بيطبقوا اية كل ما تحلونه علي الارض يكون محلولا في السماء ليه ما بيتم التحليل ليا بالزواج لسبب استحالة العشرة بجد انا تعبان وجوايا حاجات كتير وعندي اسرار حدثت معي من قبل بعض ..... في الكنيسة اللي بيدمروني انا عاوز اتكلم مع حد يحب الرب بصدق ويقدر يقول .... ما تخربشي البيوت ياااااريت بجد انا تعبان ومنتظر ردكم للاهميه .
انتم خوافين وبتهتموا بالمواضيع الفاشله فقط يؤسفني ان اقول ذللك لانكم لو فعلا بتساعدوا كنتم ساعدوا الناس اللي بينخرب بيوتها بسبب الاباء (......) نفسي في حد شجاع لا يخاف ان يسمعني وقصتي اسمها انا والانبا (.....) واسالوا عنها الانبا (.....) بامانه انا بدمر بسبب اللي بيحصل ارجوا الرد انا تعبان وبموت وبقول لكم ارحموني من الانبا... W

 

انت مش عايز رد، لانك عندك ردود مسبقة من كل الاسئلة اللى بعتها.... انت واصل لقرار .....لكن الكتاب المقدس واضح و صريح وكلام المسيح لكل الأزمنه 

قالوا له فلماذا اوصى موسى ان يعطى كتاب طلاق فتطلّق. 8 قال لهم ان موسى من اجل قساوة قلوبكم أذن لكم ان تطلّقوا نساءكم.ولكن من البدء لم يكن هكذا. 9 واقول لكم ان من طلّق امرأته الا بسبب الزنى وتزوج باخرى يزني.والذي يتزوج بمطلّقة يزني. 10 قال له تلاميذه ان كان هكذا امر الرجل مع المرأة فلا يوافق ان يتزوج. 11 فقال لهم ليس الجميع يقبلون هذا الكلام بل الذين أعطي لهم
متى 19 : 7 - 11
 واوعى تفتكر ان الزواج مسألة سهلة ..اى خناقة الواحد ممكن يسيب مراته و يقول خلاص العيشة مبقيتش نافعة الزواج ده سر مقدس و جهاد حقيقى طول العمر و إوعى تفتكر أن الجواز يعنى شهر عسل لأ على العكس حروب روحية و حروب جسدية و أفكار و حرب ضد الشيطان و جهاد حقيقى حب و بذل و تضحية من الطرفين بس ياشاطر لازم تبتدى بنفسك و توبة حقيقية و خضوع للطرف الآخر و اعمال محبة حقيقية و بيت لازم يكون المسيح اساسه و فيه صلاه باستمرار و توبة و اعتراف و تناول من جسد الرب و دمه، ده بيت مبنى عالصخر و هود ده البيت اللى اتكلم عنه المسيح و الصخر ده هوه نفسه المسيح يعنى بيتك ده مبنى على المسيح يعنى مش مبنى على الخصام و الاهانة و العند و الاتهامات المتبادلة ولا شتائم ولا حتى كلام مش لطيف.... مبنى على المسيح يعنى على التفاهم و الخضوع و التضحية مبنى على الحب مبنى على الصلوات مبنى عالطهارة مبنى على بركة المسيح مبنى على التوبة و تانى اقوللك التوبة لانه من غيرها هيكون كل تصلف و عند و انانية و كمان كره و يجى الشيطان بافكار الانفصال و الشهوات اللى مش هترحمك... فوق من اللى انت فيه .....مشكلتك مش مع الانبا فلان ولا ابونا فلان مشكلتك مع نفسك ...الأباء الكهنة و الاباء الاساقفة دول مرتبين من عند الله نفسه و شغلتهم ينفذوا كلام المسيح مش كلام الناس......فوق قبل مايفوت اوان الفوقان....قدم توبة وروح خذ مراتك واخدمها و قوللها اقعد تحت رجليك العمر كله و دخول المسيح للبيت و حبك ليها كفيل بتغيرها و تغيير حياتكم 
 حتى لو كانت مراتك هى اللى غلطانة و مهما كان السبب وشوف كلام المسيح له المجد بيقول ايه
حينئذ تقدم اليه بطرس وقال يا رب كم مرة يخطئ اليّ اخي وانا اغفر له.هل الى سبع مرات. قال له يسوع لا اقول لك الى سبع مرات بل الى سبعين مرة سبع مرات
متى 18 : 21 - 22
،

كلام الناس بيقول عكس كده، اللى يزعلك زعله و هى اللى ابتدت لكن مش هوه ده المسيح...المسيح يقول

ومن سخرك ميلا واحدا فاذهب معه اثنين.من سألك فاعطه.ومن اراد ان يقترض منك فلا تردهسمعتم انه قيل تحب قريبك وتبغض عدوك.واما انا فاقول لكم احبوا اعداءكم.باركوا لاعنيكم.احسنوا الى مبغضيكم.وصلّوا لاجل الذين يسيئون اليكم ويطردونكم.لكي تكونوا ابناء ابيكم الذي في السموات  متى 5 :41 : 45

أما عن ان تكمل حياتك طاهرا فده جهاد موضوع امامك، مش هتنجح فيه غير بمساعدة المسيح و مش هتنجح فيه وحدك
اما عن العدل فى الزواج المسيح فلا يسعنى إلا أن اشير الى كل ملايين الزيجات الناجحة عبر السنين ، الى ابى و امى و جدى و جدتى وكل زوج و زوجة مسيحية بالحق و ليس بالاسم يعنى زوج مسيحى + زوجة مسيحية + المسيح له المجد هذا هو قمة العدل و الفرح و الستر و الحب و واهم من ده كله السما نصيب ليهم على حياتهم الرائعة فى المسيح


<< الموضوع التالى رجوع لقائمة المواضيع >> الموضوع السابق >>  
إتصل بموقع مسيحى | من نحن | سياسة موقع مسيحى
Copyright © 2008 Masi7i.com. All rights reserved.
Site Designed By Egygo.net, Managed by M3webz.com forWeb Design Egypt