الصفحة الرئيسية
بحث مخصص
ألحان | ترانيم | كتب | تأملات | كنسيات | مجلات | مقالات | برامج
قالوا عن المسيح | اسئلة
الكتاب المقدس | دليل المواقع | كنوز التسبيح
أخبار مسيحية | ستالايت | أقوال الأباء | مواهب | إكليريكية | الخدمة | فيديو | قديسين
August 16, 2017
أخبر صديقك عن مسيحى إجعل مسيحى صفحتك الرئيسية صفحة مسيحى الرئيسية
المجتمع القبطى > اسئلة > ركن جدو كرمشة

التوبة تهز عرش الشيطان - رايت الشيطان ساقطا مثل البرق من السماء

<< الموضوع التالى رجوع لقائمة المواضيع >> الموضوع السابق >>  
نشرت بواسطة
gedo_karmasha
Search
Date Submitted: 1/25/2008 12:24 am
Status: Approved Views: 751
 

ازيك يا جدو انا كنت بعتلك مشكلتى قبل كده ومازالت معروضه حتى الان اللى بعنوان وقعت معاه فى خطية الزنا المهم ان انا سمعت كلامك ياجدو وقطعت كل صلتى بهذا الشاب واعترفت وبقيت اصلى لكن هومش سايبنى فى حالى و بيذلنى دلوقتى وبيتصل بيا وبيهددنى انه هيقول لاهلى كل حاجه وانه ممكن يجبنى فى اى وقت وانه مش هيسبنى مهما حصل وانا منهاره دلوقتى رد عليا بسرعه ياجدو ارجوك قولى اعمل ايه دا انا بتمنى لنفسى الموت
D


بصى الشيطان اكيد مش هيسكت لانك إخترت طريق النقاوة و الطهارة، إثبتى فى طريقك وكملى صلاة و هتشوفى ربنا هيعمل ايه متخافيش من تهديداته وزى ماقال قداسة البابا شنودة الثالث ادام الله حياته إن حروب الشيطان عاملة زى فرقعة صوت على طبلة لكن لما تتخرم الطبلة دى وسهل انها تتخرم تبقى مطلعش اى صوت، يعنى يقصد انها تعمل زوبعة و صوت على و مخيف و هى كلام فاضى قدام قوة ربنا الحقيقية. خلى إتكالك على ربنا و كل ما يهددك قولى لربنا فى الصلاة شايف يارب اللى بيحصل اوعى تسيب بنتك...انت اللى تضمن توبتى وسترك على انا من غيرك يارب ولاحاجة محتاجة قوتك وسترك متسبنيش و حتختبرى ايد ربنا إزاى قوية و زراعه ممدودة و هو هيستر عليكى ...كل ثقتك ضعيها فى المسيح كمان ممكن تقوللى لأب إعترافك و هو يتكلم معاه و ينهى الموضوع. أنتى اتصرفتى صح زى بنت المسيح اللى اختارت طريق العفة و النقاوة و التوبة و ربنا امين فى غفرانه و هو اللى قال دم يسوع المسيح ابنه يطهرنا من كل خطية، وطريق التوبة جميل لأن التوبه هى صانعة القديسين، هى إللى عملت موسى الاسود القديس العظيم شفيع التائبين, هى اللى عملت القديسة مريم المصرية الجميلة و سيرتها اللى بتفوح من رائحة المسيح إثبتى فى طريقك و ميهمكيش من كل التهويش ده، الشيطان ضعيف قدام نور المسيح و قوته وزى ما قال المسيح رأيت الشيطان ساقطا مثل البرق من السماء إحنا ضعفاء لكن المسيح هو سر قوتنا و نصرتنا
بالعكس أنتى تتمنى الحياة لأن التوبه مفرحة جدا، خطايانا اللى نتوب و نعترف عنها يغفرها الله و ينساها و توبتنا عنها طريقنا للسما محدش فى الدنيا دى يقدر يخطفها مننا لأن المسيح هو حافظنا و زى ما المسيح قال لما كان بيكلم الآب عن حفظه للذين معه و فى يده

ايها الآب القدوس احفظهم في اسمك الذين اعطيتني ليكونوا واحدا كما نحن.  حين كنت معهم في العالم كنت احفظهم في اسمك الذين اعطيتني حفظتهم ولم يهلك منهم احد  انجيل يوحنا 17 : 11 - 12
إربطى نفسك بالمذبح و التناول من جسد الرب و دمة سر الثبات فى المسيح و مصدر رعب للشيطان و سر نصرتك على الخطية وسر السلام فى القلب ...ملك السلام يسوع المسيح يملا قلبك من سلام الله الذى يفوق كل عقل


<< الموضوع التالى رجوع لقائمة المواضيع >> الموضوع السابق >>  
إتصل بموقع مسيحى | من نحن | سياسة موقع مسيحى
Copyright © 2008 Masi7i.com. All rights reserved.
Site Designed By Egygo.net, Managed by M3webz.com forWeb Design Egypt