الصفحة الرئيسية
بحث مخصص
ألحان | ترانيم | كتب | تأملات | كنسيات | مجلات | مقالات | برامج
قالوا عن المسيح | اسئلة
الكتاب المقدس | دليل المواقع | كنوز التسبيح
أخبار مسيحية | ستالايت | أقوال الأباء | مواهب | إكليريكية | الخدمة | فيديو | قديسين
October 23, 2017
أخبر صديقك عن مسيحى إجعل مسيحى صفحتك الرئيسية صفحة مسيحى الرئيسية
المجتمع القبطى > اسئلة > ركن جدو كرمشة

كلام فى الحب و الومانسية

<< الموضوع التالى رجوع لقائمة المواضيع >> الموضوع السابق >>  
نشرت بواسطة
gedo_karmasha
Search
Date Submitted: 1/16/2008 10:39 pm
Status: Approved Views: 874
 

هاى جدوا عامل ايةانا بحبك جدا يارب تكون كويس دايماانا عاوزة اقوللك ان فى شخص بيحبنى من ع النت وانا بحبة هو عاوز يرتبط بيا بس مشكلتى انى حاسة انى ببقى خايفة من انالاولااد فى ايام الخطوبة بيبقوا بشكل ويظهروا بعد الزواج بشكل تانى خالص فى معاملااتهم مثلاا وانى كمان مش بثق فى حد بسهولة حاسة انى خايفة وانا برفض التعارف ع اى حد من زمان عشان السبب دة بس الشخص دة كويس وبحبة بس الخوف مسيطر عليا لدرجة انى رحت لدكتور وقالى ان الخوف دة مشكلة مسسيطرة عليا بس الزمن الى احنا فية مش مخلينى واثقة فى اى حد اعمل اية انا برفض ناس كتير ومش هالااقى زى الشخص دة تانى ابدا وبموت فية وحتى لو حصلت خطوبة انا هابقى معاة زى صديقتة مش خطيبتة ودة اكيد هايدايقة لاانى مش هاقدر اخد علية غير بعد الاكليل كمان شفت بقا يا جدوا انا معقدة ازاى هو كمان بيزعل منى عشان مش بكلم معاة برومانسية فى التليفون بس انا كدة اعمل اية لو اتخطبنا وزعل منى بسبب انى جد فى تصرفاتى واتق ازاى انة مش هايتغير بعد الجواز لالاانى اعرف ناس كتير اتعيروا بعد الجواز والمسحين بقا عندهم مشاكل اسرية كتير دة حتى مش بيكملوا سنة بعد الجواز ويبقوا عاوزين ينفصلوا
بنتك مرمر

يا مرمر انا بخاف زيك بالظبط  وبترعب من الحب بتاع النت و الحب بتاع التليفون و مش نافع اروح لدكاترة، إحنا الجب على ايامنا كان حب بتاع البيت و الأهل و الصالونات و أحيانا الأنتريهات، حب مكشوف للأهل و مش مستخبى و خلينى افرق بين حاجتين مختلفين فى المعنى بين الحب و الرومانسية

الاول الرومانسيه مش حب لكنها تعبير عن الحب والرومانسية لوحدها متقيمش علاقة يعنى حلو انه الخطيب يعامل خطيبته برومانسية يجيب لها ورد و هدايا فى المناسبات يفتح لها باب العربيه او يزقها تحت الاوتوبيس اقصد ينزلها من الاتوبيس و كل الافعال دى بتكون تعبير عن الحب و لو الحب لسة مش موجود تبقى الرومانسية ملهاش اى لازمة و متأكلش عيش زى مابيقولوا

الحب بقى و هو لب الموضوع، الحب مش زى ما إتعلمناه من السينيما و التليفزيون لان ده رومانسية على شوية شهوات ...انا بحب فيكى عنيكى طيب لو إتعميت هتحب فى ايه؟!! الحب زى ما إتعلمناه من المسيح

 ليس لاحد حب اعظم من هذا ان يضع احد نفسه لاجل احبائه يوحنا 15 : 13

يعنى كل واحد فيكم يكون مستعد إنه يضحى بنفسه عن التانى حب من غير أنانيه حب من اجل الآخر حب بازل
المسيح بيقول بعد كده هذا يعرف الجميع انكم تلاميذى لما يكون فيكم الحب ده، هتقوليلى ياعم إنزل شوية عالارض الناس مش بتحب بالطريقة دى دلوقتى ده كتر خير الدنيا انه فيه حد معجب بيا اساسا فى الزحمة دى!! حقولك هوه ده الحب اللى بيكمل و يعيش عالارض و كمان فى السما...بس انتى اطلبى من المسيح الشخص اللى يحبك يكون ابن للمسيح و يحبك زى ما المسيح حبنا و بذل نفسه علشاننا و متشغليش بالك بموضع الومانسية لانه نتيجة للحب....لما هتقابلى الحب ده مش هتخافى لان الجب اللى بينكم هيكون تحت عينين المسيح و هوه هيخاف عليكى زى عينيه و بعد الجواز مش هتحسى بغربه عنه لانه هوه ده الشخص اللى باعتهولك المسيح ومختاره بنفسه عالفرازة حتى عيوبه و عيوبك مش هتكون مشكلة لان المحبة الحقيقية بتستر العيوب......بس إطلبى من المسيح تجدى إقرعى يفتح لك إطلبى حب حقيقى مش بتاع الافلام


<< الموضوع التالى رجوع لقائمة المواضيع >> الموضوع السابق >>  
إتصل بموقع مسيحى | من نحن | سياسة موقع مسيحى
Copyright © 2008 Masi7i.com. All rights reserved.
Site Designed By Egygo.net, Managed by M3webz.com forWeb Design Egypt