الصفحة الرئيسية
بحث مخصص
ألحان | ترانيم | كتب | تأملات | كنسيات | مجلات | مقالات | برامج
قالوا عن المسيح | اسئلة
الكتاب المقدس | دليل المواقع | كنوز التسبيح
أخبار مسيحية | ستالايت | أقوال الأباء | مواهب | إكليريكية | الخدمة | فيديو | قديسين
August 20, 2017
أخبر صديقك عن مسيحى إجعل مسيحى صفحتك الرئيسية صفحة مسيحى الرئيسية
المجتمع القبطى > اسئلة > ركن جدو كرمشة

هل نحن مخيرين ام مسيرين؟

<< الموضوع التالى رجوع لقائمة المواضيع >> الموضوع السابق >>  
نشرت بواسطة
gedo_karmasha
Search
Date Submitted: 12/22/2007 3:10 pm
Status: Approved Views: 688
 

جدو لقد ارسلت الك عدة رسائل لنفس الموضوع هو هل نحن مخيرين ان مسيرين ولم ترد على سؤال فهل سؤالي لا سمح الله فيه اساءة حتى لا اكرره وان لم يكن فيه اي شيئ لماذا لم ترد على سؤالي وشكرا وسأكرر لك السؤال للمرة الثالثة وشكرا جدو انا بدي اعرف هل نحن مسيرين او مخيرين اذا كنا مسيرين فمعنا هذا ان الله هو الذي كاتب لنا حياتنا ونحن بس منفذها حسب ما هو كاتب اي حسب مشيئتة طيب ما ذال مسيرين ليه حنتحاسب بالدينونة وهو كاتبلنا طريقنا مش نحن يلي منختاره وليه حيحاسبنا على شي هو حددلنا ياه ؟؟؟؟؟؟؟ واذا كنا مخيرين ليه ما منحصل عل الاشيا يلي بدنا ياها وفي كتير اوقات منكون عايزين الحاجة دي وفجأة الله ما بيردلنا ياها مع انها ممكن تكون خير لينا اذا كنا نحن مخيرين فمعناه لازم نحن نختار واذا لا سمح الله كان اختيارنا خطأ حنتحاسب بالدينونة لاننا بذلك نكون نحن اخترنا هذا الطريق ؟؟؟؟؟؟؟ ارجوك جدو انا عايزة الجواب لاني مش عارفة انا شو الرب بيمشيني او اناالي عم اختار رغم انني لحد الان اعتبر ان لم احصل على اي شيئ اريده انا ارضى بان يكون الرب هو الي بيمشيني طيب ليه بعد كده بدو يحاسبني بنتظار جوابك جدو ارجوك
فيفى

فى الحقيقة سؤالك جميل كده لكن لكثرة الاسئلة يتأخر الرد، فعندى حوالى 90 سؤال لم ارد عليهم و اصحابهم ناويين يقتلونى قريب لأنى بطىء جدا، راجل عجوز بقى يمشى بالراحة و ياكل بالراحة و يرد بالراحة زى ما يكون طلع من نكته العيلة البطيئة

فى الحقيقة انتى ممكن تجاوبى عالسؤال ده بنفسك، بعد ما أسالك كام سؤال. هل تقدرى تختارى هتاكلى ايه النهاردة؟ او هتلبسى ايه النهاردة؟ طيب بتقدرى تختارى الحياة مع ربنا؟ او تختارى انك تبعدى عنه وتسيبى طريقه؟ هل إخترتى تاريخ ميلادك و جنسك و اسمك و والديكى؟!! من إجابتك للأسئلة دى هتعرفى إنك مخيرة فى امور كثيرة و أمور تانيه ماكانش ليكى إختيار فيها

ميلادك و بعد الشر وفاتك امور ملك لله و هو سوف لايحاسبك على شىء مثل تاريخ ميلادك و يوم وفاتك

لكن الحياة مجموعة من الإختيارات انتى بتصنعيها بنفسك زى عمل الخير و عمل الشر، انتى متحكمة تماما فيها و ليكى كامل الاختيار علشان كده ربنا هيحاسبنا عليها، لكن ميمنعش انه فى داخل منظومة الاختيارات و الاراده الحرة للإنسان إن الله يتدخل فى بعض الامور لصالح الانسان من فرط محبته زى الاب لما بيشوف ابنه هيحط ايده فى كوبس الكهربا، ممكن يتدخل، لكنه ممكن يسمح بوقوعه وقعة بسيطه ممكن من خلالها يتعلم انه يبقى اكثر حرصا فى المستقبل

و ممكن كمان أحداث تحصل بسماح من الله لكن مش بإرادته زى ما قداسة البابا شنوده قال مرة اثناء رده على احد الاسئله بيقول مثلا واحد ماشى فى الشارع مش واخد باله خبطته عربيه، الله مخططش لكده و دى مش إرادته لكنها حصلت  بسماح منه
الحاجة اللى دايما بتلخبطنا هو علم الله المسبق بحدوث الاشياء قبل حدوثها و ده بيختلط على بعض الناس و يفتكروه المكتوب، زى مدرس عارف أنه فيه تلميذ لعبى و مش بيذاكر فيقوله انت كده هتسقط، وييجى التلميذ يسقط آخر السنه، فهل المدرس كان السبب فى سقوطه ولا علمه المسبق إن نتيجة اللعب هو السقوط. ده نفس اللى بيحصل معانا نتيجة أفعالنا و علم الله المسبق بنتيجتها

طيب إزاى نضمن إن تصرفاتنا يتدخل الله فيها؟ هو ده اللى بنسميه حياة التسليم و الإتكال على الله، فى كل يوم بناخد قرارات و اختيارات و عايزين نتأكد إنها تؤدى إلى خيرنا ،فقط نشرك ربنا معانا و نقوله يارب إنت عارف ضعفنا و عارف إن إختياراتنا مش دايما هى الصح فنرجوك إتدخل و إختار انت بنفسك وساعتها هتنطبق علينا الآيه اللى بتقول 
ونحن نعلم ان كل الاشياء تعمل معا للخير للذين يحبون الله الذين هم مدعوون حسب قصده
روميه 8 : 28
وياريت تكملى بقية الاصحاح 8 هتلاقى فيه كلام جميل هيساعدك علشان تفهمى قصد ربنا
كل الاشياء هتعمل معا للخير حتى قراراتنا الغلط لو طلبنا من ربنا إنه يتدخل بس فيه شرط اساسى ....تعمل للخير للذين يحبون الله 

الله لا يتدخل إلا بسماح مننا حتى أن أحد القديسين قال الله لا يقدر أن يخلصك بدونك
 شوفى ربنا رقيق قد ايه مدينا حريه حتى أن نرفضه هو شخصيا و هو اللى قال

هانذا واقف على الباب واقرع.ان سمع احد صوتي وفتح الباب ادخل اليه واتعشى معه وهو معي.
رؤيا يوحنا 3 : 20


<< الموضوع التالى رجوع لقائمة المواضيع >> الموضوع السابق >>  
إتصل بموقع مسيحى | من نحن | سياسة موقع مسيحى
Copyright © 2008 Masi7i.com. All rights reserved.
Site Designed By Egygo.net, Managed by M3webz.com forWeb Design Egypt