الصفحة الرئيسية
بحث مخصص
ألحان | ترانيم | كتب | تأملات | كنسيات | مجلات | مقالات | برامج
قالوا عن المسيح | اسئلة
الكتاب المقدس | دليل المواقع | كنوز التسبيح
أخبار مسيحية | ستالايت | أقوال الأباء | مواهب | إكليريكية | الخدمة | فيديو | قديسين
August 16, 2017
أخبر صديقك عن مسيحى إجعل مسيحى صفحتك الرئيسية صفحة مسيحى الرئيسية
المجتمع القبطى > اسئلة > ركن جدو كرمشة

افعل كل شى يغضب الله

<< الموضوع التالى رجوع لقائمة المواضيع >> الموضوع السابق >>  
نشرت بواسطة
gedo_karmasha
Search
Date Submitted: 12/19/2007 2:59 pm
Status: Approved Views: 821
 

انا شاب جامعى كانت فى بداية حياتى اعيش مع الله ام الان تترك كل شى و اصبحت شخص تا نى افعل كل شى يغضب الله من عادات شابيه  طريقه غربيه وسجاير واشياء اخرى مع العلم اننى خدم وشماش وحفظ الحان كتير حولت انى اعترف واتناول كيتر ورغم ذلك ولا كانى فاعلت شى السوال ازاى اعترف  ازاى اتوب ازاى اتنتاول بلستحقاق وانا عيش حياتى فى حزن شديد     
            جدو عاوزك تساعدنى وبسرعه

ابنى المحبوب فى المسيح، الشيطان دايما بيوهمك إنه مفيش فايده، و غنك مش ممكن ترجع تانى و إن الخطية تمنعك من حب ربنا، لكن خلينى أقولك أنه المسيح جه من أجل الخطاه و قال بفمه الطاهر، لم آت لأدعو ابرارا بل خطاة الى التوبة
لوقا 5 : 32
وقال القديس بولس كمان
ولكن الله بيّن محبته لنا لانه ونحن بعد خطاة مات المسيح لاجلنا
روميه 5 : 8
يعنى حب ربنا ليك مش معتمد على نقائك وطهارتك و برك وبس لكنه  بيعتمد فى الاساس على امانته فى حبنا وعلى موقف حبه للبشر لما قال لذتى فى بنى البشر دى كانت الحاجة المهمة اللى كنت عايز افرحك بيها إنه حب ربنا لينا مستمر رغم خطايانا

لكن معنى كده أستمر فى الخطيه ، لا و الف لا للخطيه لانها تحزن قلب الله...الله قدوس و من قداسته اللامحدودة ...لا يطيق الشر و الخطيه يعنى الله لايخطر على فكره شر ابدا، يعنى إحنا لما بنعمل خطيه الله بيستر و جهه عنا لانه لا يطيق الخطيه

طيب نعمل ايه؟ علشان نتخلص من الارف اللى احنا عايشين فيه؟
خلينى اديك مثال لو فيه جندى بيحارب فى الجيش و الجيش بتاعه اتهزم و الجندى مات، هل الجندى ده هيكون له ذكر او تخليد لذكراه؟ غالبا ما هيتنسى و يقولك هوه ده ده اللى جاب لنا النكسه و الوكسه..لكن لوفيه جندى تانى فى جيش منتصر لكن أثناء حربه و دفاعه المستميت كل شويه يتعور و يتجرح و احيانا يتقطع لكن فى النهايه مماتش و الجيش انتصر.....جراحاته دى الناس حتزدرى بيها؟ ولا هتكون مصدر فخر له و كمان لجيشه؟ ده شى اكيد هتكون مصدر تكريمه
هى ده حالتنا و إحنا فى حربنا مع الشيطان يانموت مهزومين ويبقى خسرنا الإمتحان بتاعنا و خسرنا الملكوت.....يا إنتصرنا وحروب الشيطان و جراحاته تكون مصدر فخرنا فى الابديه

ننتصر إزاى؟
لازم نجاهد و نقاوم الشر و طبيعتنا لغاية آخر نفس من غير مياصة برجولة روحية
بولس الرسول بيقول فى رسالته إلى العبرانيين 
 لم تقاوموا بعد حتى الدم مجاهدين ضد الخطية
عبرانيين 12 : 4
حتى الدم يعنى اموت ولا اقع فى الخطيه، مارجرجس جابولوا واحدة علشان تغويه فى السجن، مقالش اه اصل الحكاية كلها غصب عنى ...لا يعنى لأ للخطيه علشان كده بقى مارجرجس و كمان يوسف الصديق رغم إلحاح الخطيه المزعج و القوى قال كيف أصنع هذا الشر العظيم و أخطىء إلى الله

ده كان الجزء الخاص بيا إللى هو الجهاد ..ناقص الجزء الأكبر و هو نعمة ربنا و معونته و قوته و ستره علىَ، ناقص انى أطلب معونه ربنا لما الخطية تضغط على و تلح و وقت ما أضعف

اَلْمَزَامِيرُ  50 : 15 و ادعني في يوم الضيق انقذك فتمجدني

 اَلْمَزَامِيرُ  91 : 15  يدعوني فاستجيب له معه انا في الضيق انقذه و امجده
لما تطلب المسيح بكل قلبك علشان تتخلص من أى خطية،  هيكون أمين إنه يحارب عنك الشيطان و نفسك و عاداتك و يصنع منك إنسان قديس، لانه هو بنفسه اللى هيقدسك
إِنْجِيلُ يُوحَنَّا  8 : 36  فان حرركم الابن فبالحقيقة تكونون احرارا
شوف موسى الاسود كيف صار قديسا و شفيع لكل التائبين فى كل العصور إزاى توبته أصبحت توبه معديه لكل الزناه و حولتهم لأبرار ماليين السما و بنتشفع بيهم زى أوغسطينوس و مريم المصريه هوه ده المسيح اللى بيحرر
 يبقى فيه جهاد سلبى ضد الخطيه و جهاد أيجابى و هو الإرتباط بكل ماهو روحى
الإعتراف و التوبه ....الصلاه القوية اللى بنطلب فيها ايد ربنا قولله مش هسيبك الا لما تخلصنى من شرورى و عاداتى الرديئه مش هبطل صلاه مش هبطل طلبه مش هبطل ابكى ....
التناول من جسد ربنا و دمه يعطيك قوة غير عاديه مش هتلمسها غير لما تتقدم لربنا بقلب تايب مكسور قدامه هيرفعك و يخلصك

مواضيع ذات صلة
مرفق ملف صوتى للأنبا تواضروس على موضوع العادة السرية
إقرأ ايضا هذا السؤال عن نفس الموضوع

3ada_anba_tawadros.wma3ada_anba_tawadros.wma3ada_anba_tawadros.wma

<< الموضوع التالى رجوع لقائمة المواضيع >> الموضوع السابق >>  
إتصل بموقع مسيحى | من نحن | سياسة موقع مسيحى
Copyright © 2008 Masi7i.com. All rights reserved.
Site Designed By Egygo.net, Managed by M3webz.com forWeb Design Egypt