الصفحة الرئيسية
بحث مخصص
ألحان | ترانيم | كتب | تأملات | كنسيات | مجلات | مقالات | برامج
قالوا عن المسيح | اسئلة
الكتاب المقدس | دليل المواقع | كنوز التسبيح
أخبار مسيحية | ستالايت | أقوال الأباء | مواهب | إكليريكية | الخدمة | فيديو | قديسين
May 26, 2017
أخبر صديقك عن مسيحى إجعل مسيحى صفحتك الرئيسية صفحة مسيحى الرئيسية
المجتمع القبطى > اسئلة > ركن جدو كرمشة

ركن جدو كرمشة و مشاكل الشباب

جدو كرمشــــــــــــــــــــــــــــة
مش عارف كل حاجــــــــــــة
شعره الابيض خبرة و أستذة
فضفض له هيكون عنده الحل
أصله مدرســـــــــــــــــــــــــة

 

 



أرسل سؤالك لجدو كرمشة

Search

with all the words
with the exact phrase
with at least one of the words
without the words

إبحث فى المواضيع المنشورة

مش متوفقين فى شقق كتيرة بتيجى دى علامة ان ربنا مش عاوزنا لبعض

اذيك ياجدو اتمنى من الرب يسوع انك تكون بخير ، وربنا يبارك تعبك معانا بجد دى فكرة حلوة جدا ، انا شاركت معاك قبل كدة بمشكلتى بس انت مش رديت عليا، بص يا جدو انا مرتبطة بإنسان بيحبنى جدا جدا جدا وانا بحبه جداً بس هو بيحبنى اكتر ، واحنا بنصلى كتييييير للرب يسوع ان يظهر إرادته ومشيئته فى علاقتنا دية وبنتمنى انه يكون راضى عنها وعننا ، واحنا متفاهمين اوى ومش عندنا اى مشاكل فى نفوسنا من الموضوع دة ، بس المشكلة مشكلة الشقة فانا بسأل هل تاخير الشقة واننا مش متوفقين فى شقق كتيرة بتيجى دى علامة ان ربنا مش عاوزنا لبعض مع العلم انه مش يقدر يستغنى عنى وبصراحةولا انا . ونقطة تانية بطلبها منك وارجوك ترد عليا يا جدو عشان خاطر حبيبنا الرب يسوع محتاجة لصلاتك اوى وانك تنصحنى لو ليك اى نصيحة فى موضوعى دة ، انا بشكرك اوى يا جدو
mera-e


<< إقرأ المزيد

واريد ان اكون راهبا وانا مش عارف هل دا فكر طايش

انا شاب فى20 من عمرى وزرت دير البراموس كذا مره وليا علاقه مع راهب من هناك كويسه وجالى فكر الرهبنه واريد ان اكون راهبا وانا مش عارف هل دا فكر طايش ولا لا؟مع العلم انى خادم وبحب الالحان اوى وتكلمت مع الرهب وقالى اللى فيه الخير يقدمه ربنا ارجو الرد بسرعه وبموضوعيه شديده لان دا قرار مصيرى
peter


<< إقرأ المزيد

بخاف عليهاجدا وهي كمان بتخاف علي وحنونة علي جدا جدا

اشكر ربنا على انه فيه موقع زي الموقع الرائع ده وربنا يبارك فيكم ويقويكم.. الموضوع: انا شاب 23 سنة في بكالوريوس تجارة السنة دي وبحب فتاة وهي سنها 18 سنة وهي معي في الخدمة "خدمة المرضى" وهي كمان بتحبني ومتفاهمين جدا طباعنا تقريبا واحدة ومتفقين جداوتفكيري ناحيتها طاهر جدا والاهم اني بخاف عليهاجدا وهي كمان بتخاف علي وحنونة علي جدا جدا واتفقنا اني هاتقدم لها بعد سنتين من دلوقتي علشان اكون خلصت الجيش واشتغلت سنة واحدة واخطبها وسنتين كمان ونرتبط علشان اكون رتبت اموري واكون قادر اني اصرف عليها.. فهل هناك اي نصائح تنصحنا بها؟؟ "على فكرة اختها معانا في الخدمة وعارفة كل حاجة
عماد


<< إقرأ المزيد

ارحمنى يالله كعظيم رحمتك

انا اول مره ادخل هنا وعرفت الموقع وانا ببحث عن ترانيم ولقيت ركن جدو ليا رجاء او توسل انك ترد عليا هنا او علي الايميل لاني بجد تعبان تعبان انا شاب عمري 29سنه متجوز وعندي طفل ولكني غرقان في الخطيه ومش قادر ابطل رغم اني عارف انه كده حرام لكني مش قادر وكل مره اعمل الخطيه وبعدها اندم اني عملتها لكن برجع اعملها تاني وكمان بدور ازاي الاقي الخطيه دي علشان اعملهت علي فكره خطيتي هي زنا وبرغم اني متجوز من انسانه علي قدر عالي من الجمال لكني مش عارف ليه انا حابب الحطيه وحابب كل يوم التغيير بانسانه تانيه ارجوك انا تعبان ومش عايز اعمل كدهه ارجوك فيدني وقولي اعمل ايه مع مراعاه اني بجد عارف ان ده غلط وبزعل قوي من نفسي واقول دي اخر مره لكن برجع تاني للوحل وياريت متنسانيش
و


<< إقرأ المزيد

الى اميرة الاحزان

     أولا انا مصدقك تماما


<< إقرأ المزيد

To lala

لازم تقطعى علاقتك بيه فورا اى شركة للنور مع الظلمة او ابناء الله مع بليعال يعنى مع الشيطان اوعى تقولى مش قادرة والكلام الفاضى لأنه فى النهاية الحب ده هيبقى قصاد حبك لربنا يا تختارى المسيح يا تختارى الشاب ده اللى هوه اصلا مش ابن للمسيح و بيضحك عليكى اوعى تخلى الشيطان يضحك عليكى و يقولك انه بيحبك و بيخاف عليكى سمعنا الاف القصص و النتيجة واحدة هى انك فى النهاية حتسيبى المسيح و تغرقى فى وحل الخطية و ساعتها الموضوع هيبقى صعب التخلص منه و انتى على البر اقطعى كل صله بيه و عرفى اب اعترافك بالموضوع و اى خادم كبير فى كنيستك

<< إقرأ المزيد

بكرة نفسي لاني ضعيفة دايما

ازيك يا جدو انا اسمي روزا عمري 22سنة انا كتبتلك علي ايميل اختي بس انت مردتش عليا لاني مكنتش عملت ايميل لنفسى انا ياجدو شخصية مهزوزة وضعيفة بكرة نفسي لاني ضعيفة دايما الوم امي وابويا لاني بحس ان هما السبب انا يا جدو محبطة ومعنديش امل في اي حاجة حاولت اغير نفسي لكني فشلت انا اديلي مدة علي الحال ده ياريت ياجدو تقولي اعمل ايه ياريت ياجدو تردعليا المره دى علشان خاطر ربنا لانى تعبانة
بنتك روزا


<< إقرأ المزيد

هل اعمالى كمسيحى هى تبشير لاسم المسيح

هل اعمالى كمسيحى هى تبشير لاسم المسيح
romashokry


<< إقرأ المزيد

انا نفسى اعيش مع ربنا واحفظ طهارتى

انا نفسى اعيش مع ربنا واحفظ طهارتى بس بشوف مناظر مش حلوة بيبقا غصب عنى وبرجع اندم بعدها كانى كنت نايمة مش حاسة انا بتفرج على اية انا تعبانة اوى ياجدو مش عارفة اعمل اية خايفة من ربنا بس مش عارفة اعمل اية كل ما اتفرج على حاجة كدة ارجع واصلى بس بضعف بعدها تانى .................ارجوك ساعدينى ياجدو واطلب من ربنا يسامحنى
kity


<< إقرأ المزيد

يا دوك

ana 2awel mara baktebkalk ya gedo we 3andi as2ala keter we 3andy kman mshakel keter 2awel 7aga 3az a2a2olak 3aleha eny t3ban awy fe 7ayaty elro7ya law sma7t salely keter awy bzat fe elkolya ana fe kolyt asnan must university


<< إقرأ المزيد

انا من عائلة مفككة

أنا بنت عندي 31 سنه متزوجة منذ 8 سنوات عندي مشاكل مع زوجي بسبب المادي والجنس لا أحب أجتمع معه ولان تزوجهو بسبب الهروب من المشاكل أمي و أبي وبسبب خالتي التي رفضت زوجي من أبنه الذي كان يحبني وأحبه كثيرا ولان كونت من عائلة مفككة وكونت أعيش مع أمي لفترة طويلة 15سنة لكن كونت علي اتصال لأخذ مصاريف الدراسة فقط ولان أبي كان أكبر من أمي ب 15 سنه وكان كافيف ولكنه يحب الشغل ملاحظة حاليا متوفي منذ5 سنوات وعلي فكرة أبي هو اليجابلي زوجي أعمل أيه وأنا كل يوم خنيقة مع زوجي وعندي طفلين البنت 7 سنوات والولد 4 سنوات وزوجي36 سنة ماذاأفعل يا جدو كرمشة
 123456


<< إقرأ المزيد

ولكنة استغل حبي لة واخطانا ولكني مازلت عذراء

جدو كرمشة انا حبيت واحد اوي لمدة 4 سنين وهو كان بيتقرب مني بس علشان انا اكبر منة بعد عني وحب واحدة تانية وتالتة ولم يرتبط باي منهم حاولت اتقرب الية بعد فشلة ولكنة استغل حبي لة واخطانا ولكني مازلت عذراء جدو مش عارفة اعمل اية حاولت ابعد عنة ولكنة يكلمني واحيانا هو يبعد وانا اكلمة وهو كالطفل بيشخط فية ويضربني وانا كمان خدنا علي بعض اوي بس كل مااكلمة في انة يتقدم لي ميرضاش ويقولي احبك اة اجوزك لا ماخدش واحدة اكبر مني علي فكرة يا جدو انا حاولت اقنعة ان موضوع السن مش مقياس لان في ناس كتيرة اعرفهم والفرق اكبر من الفرق اللي بنا مش مقتنع وساعات يبقي كويس وتاني بوم القية متغير وبيكلمني وحش وانا كمان اضطر اكلمة وحش وعلي فكرة يا جدو انا شكلي حلو ويبان اني اصغر منة وماقولكش يا جدو اد اية انا مستحملاة وانا بخدم بس الموضوع دة بيبعدني شوية بس انا بحاول مابعدش عن ربنا ودايما بكلمة وانا في الشغل واطلب منة يدخل ويحسن اخلاقة ويهدية بس ياجدو انا كلمت اب اعترافي فحكم عليا اني مكلموش ولو كلمني اقولة يتقدم لي ولو مكنش يبقي مش هكلمة تاني انا يا جدو وحيدة ومليش اب او ام والشغل مخليني مش بعمل علاقات خالص ولو باقيت لوحدي هجنن واخي مش متفاهم معايا واختي في كوكب تاني وكلهم كبار وانا مش لاقية نفسي وبتعقد لما يشوفهم اقدامي واحس ان مستقبلي هيكون كدة انا ياجدو بيتقدم لية ناس بس انا مش حاسة باي انجذاب لاي حد وكمان مش مناسبين انا ياجدو كل يوم ببكي وساعات ببكي وانا ماشية غصب عني يا جدو انا متضايقة وحيرانة وساعات كتيرة اتمني الموت وبعيش حياتي بالعافية وساعات ببقي مش طايقة الدنيا ولما يتصل بي الدنيا القاها ضحكت اجوك ياجدو ماتقوليش اسيبة انا عاوزة ربنا يقربنا من بعض ويهدية صلي معايا وبيقولوا ان ربنا حنين انا عاوزاة يتحنن عليا لاني مضايقة ومخنوقة وماتقوليش اني بشرط علي ربنا لا بس فين المناسب اللي بعتة وانا قولت لا ارجوك رد عليا اعمل اية اصبر علية تاني ولا اية ارجوك يا جدو رد عليا لاني بمووووووووووووووت
nado


<< إقرأ المزيد

مخطوبة لواحد و بحب واحد تانى

اولا انا بنت عندى 19 سنة ونصف اتخطبت لواحد اكبر منى بعشر سنين مشكلتى هى اولا :انا كنت بحب شخص اكبر منى ب 3 سنين اسمه ....بنحب بعض بجنون بس مشكلته حاجة انه واخد دبلوم وكمان شغال....اما خطيبى اسمه ...واخد ليسانس اداب ودبلومة فى اللغة ....وكمان عيلته مستويات وشغال في شركة.......كل ده مش مهم المهم انا اتخطبتله من ...ولكن قبل ما اتخطب .....اللى بحبه لما عرف ان واحد متقدملى هو اتقدم ولما قولتله انك هتترفض علشان شغلانتك قالى خلاص انا هشتغل في شركة .....والتعليم انا هقدم في الجامعة ..... وفعلا عمل ده كله وقدم في الكلية لكن بابا كان متحمس ....اكتر وعيلته وبالفعل اتخطبت .....اللي تعابنى اوى دلوقتى ومشكلتى كلها ان ....بيتكلم علي الجسد كتير اكتر من الروح وحاسة انه مش بيفكر غير في الجسد ده اولا وثانيا الما بيجى البيت ما بيكونش عايز غير يبوسنى ويحضنى وبالفعل ده حصل غصب عنى تصور يا جدو من اسبوعين خطوبة عمل كدة غير انى لما بكون معاه في اى مكان ببيقي خايفة يعمل اى حاجة وده كله كوم وانى لسة بحب ....ده كوم تانى وهو لسة مستنينى وفعلا .....موجود في قلبي مش قادرة انساه ولا .....بتصرفاته دى قادر ينسينى ....لان .....فعلا بيخاف عليا بمعنى الكلمة ولو في حاجة كانت تحصل زى اللى حصلت بينا ده كان من كتر حبنا واشتياقنا لكن مش علشان الجسد زى ما ....بيعمل وبحس اوقات كتير انه بيحبنى لجسدى ولانى حسنة الشكل وده اول حاجة جذبت .....فيا لما جه يتقدم مع العلم ان احنا عملنا نصف اكليل وده كل اللى تاعبنى تصرفات .....وان .....لسة بحبه ومش قادرة انساه وانه عمل كل المستحيل علشانى
ميم


<< إقرأ المزيد

واهلها مش موفقين

انا بحب وبنت وهي بتحبني واحنا الثنين في نفس السن واهلها مش موفقين الاننا من نفس السن وانا مش عارف اعمل اه
مينا


<< إقرأ المزيد

خطية الزنا مع النفس

خطية الزنا مع النفس يعافب عليها مثل اى خطية؟ وهل الله يغفر لنا خطية لم نعترف بها للأب الكاهن؟ لكن نعترف امامه ونتوب عنها؟ واذا توبنا ورجعنا اخطأنا نفس الخطية مرة او اكثر فهل المسيح ممكن ان يغفرها؟
 هــ


<< إقرأ المزيد

الى اميرة الاحزان

انا زعلانة منك ياجدو اوىىىىىىىىىى انا اللى سالتك سوال صعب ومردتش علشان خاطر المسيح رد عليا جدو رد عليا انا مضايقة حتى لو هترد عليا انا بس ومش هتننشر الاستفسار انا عارفة سوالى صعب بس ارجوك يا جدو رد ولو ماكنش وصلى قولى وانا ابعته تانى
 اميرة الاحزان


<< إقرأ المزيد

لا احبه و لا يعجبنى شكله بالمرة

انا فتاة عمرى 24 سنة مخطوبة لشاب في الثلاثين انا لم احبة ولا اريد سماع اسمه مع انه انسان طيب لانى اشعر انى اقل من زميلاتي لانه تعليمه اقل وامكانياته متوسطة ذلك الى جانب اننى غير معجبة بشكلة بالمرة وعلى الرغم من ان كل الناس تمتدح فى اخلاقه الا اني غير معجبة باسلوبه وهو لم يكلمنى كثيرا فى التليفون لبعد المسافة كما اننى لم اراه اكثر من مرتين واهلى مقتعنين به لان الزمن سيئ واحتمال انى لم اجد عريس بعد ذلك انا صليت كثير وحسيتت انه ربنا مختاره بس انا من داخلى غير مقتنعة به بالمرة قللى ماذا افعل
مارو


<< إقرأ المزيد

لتكن مشيئتك يارب

انا فتاة فى الثالثة والعشرين من عمرى بصراحة انا زى اى بنت عايزة احب واتحب واكمل طريقى على الارض فى زواج صالح لكن لم اجد شىء من اى الاحلام التى حلمتها لنفسى دخلت مرة فى علاقة عاطفية ولكن عرفت انة مش ليا او مش جاهز مش دة المهم المهم انا زهقت من الانتظار وعايز اكمل طريقى فى الرهبنة مع يسوع انا بجد بحبة لكن العالم لم يوافق على هذة المحبة وبعمل حجات كتير بتزعلة منى انا لما بروح اى دير بشعر براحة كبيرة قوى جوة قلبى فماذا تنصحنى ياجدو فى هذة الفكرة او الرغبة التى تراودنى مع العلم انى جوايا مشاعر وعواطف كبيرة اوى بنتك
maria


<< إقرأ المزيد

الحب غلط او حرام ولا لأه

يا جدو انا بعتلك قبل كده ومرددش عليا انا كونت بسال اذا كان الحب غلط او حرام ولا لاءه انا كونت بكلم واحد مسيحي من علي النت وطلب انوه يقابلني فانا خوفت فقفلت الموضوع ده خالص وبقالي شهر مش بكلمه بس انا كل يوم بفكر فيه وبشوف صورته في كل وقت وكل كلمه تفكرني بيه انا مش عارفه اذاكونت بحبه ولا بحب الحب نفسه انا دايما وسط الناس بهزر واضحك لكن لما بكون لوحدي بكون حزينه وبفكر فيه وحياة المسيح يا جدو رد عليا انا مش لاقيه حد اتكلم معاه هموت لو مرددش عليا عايزه احس ان حد سامعني وفاهمني
rooona


<< إقرأ المزيد

انا خادمة فى الكنيسة

انا خادمة فى الكنيسة وبحب جو الكنيسة اوى لكن النت والشات حاسه انه بيبعدنى عن ربنا واوقات ببعد نفسى كتييييير عنه لكن برجع تانى  وفى شاب اتعرفت عليه  بتطلب منى انى اقابله  علشان يتعرف علي لما برفض بيقولى انه عايز يتعرف عليا لمجرد انه  عايز يعرفنى وانا بالنسبة له اخته    انا خايفة انى اعمل حاجة اندم عليها رجاء محبة ياجدو ترد عليا  رجاء محبة 
maro


<< إقرأ المزيد

انا تعبان اوي ومحتاج حد يساعدني بسرعه

انا طالب في كليه صيدله اخر سنه ومعنديش جيش وبحب بنت من سنتين وهيا كويسه اوي ومخلصه بس هيا اكبر مني بسنتين ونصف وفي كليه تجاره .احنا متفهمين اوي.بابا مش موافق علي شان فرق السن.فاحنا اتفانا ان احنا نصلي علي شان ربنا يرشدنا.مع العلم اني من اسره متوسطه.وكمان انا بخاف من المستقبل والاحتياجات الماديه للزواج.هيا مستعده تستنناني بس انا خايف اني اربطها معايا وبعد كده ميكنش معايا الامكانيات.انا مش عارف اعمل ايه بس اهم حاجه عندي انها تكون مبسوطه ومضرهاش وهيا برده عندها نفس الشعور.احنا بنصلي من اول معرفنا بعض ان ربنايرشدنالو احنا ماشيين غلط.انا مش عارف ربنا هيرد علينا ازاي ولاربنا هيسيبلنا حريه الاختيار حتي لو كان غلط
PETER


<< إقرأ المزيد

طول حاسة بالوحدة و كتير بحس انى مخنوقة

هاى جدو
انا اول مرة ابعتلك و نفسى الاقى حد اتكلم معاة مشكلتى انى على طول حاسة انى لوحدى مع انى عندى اصحاب كتير و مشتركة فى خدمة لكن على طول حاسة بالوحدة و كتير بحس انى مخنوقة ارجوك جدو رد عليا بسرعة
كوكى


<< إقرأ المزيد

أبي و أمي يحبونني حبا جنونيا

أنا شاب في ال 18 من عمري في كلية هندسة و يراوجني فكر الرهبنة و العقبة الوحيدة أنني وحيد و أبي و أمي يحبونني حبا جنونيا و الرب يسوع قال ( من أحب أبا أو أما أكثر مني فلا يستحقني ) ماذا أفعل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
mina


<< إقرأ المزيد

تشدد و كن رجلا

جدو انا اوين انا عايز اعرف منك اجابة انا بعتلك السؤال ده كتير وانت مش بترد ياريت ترد عليا المرة ده انا اللى كلمت البنت الغير مسيحية على النت وكنت بقولك انا كنت خايف اكون حبتها وانت ياجدو قولتلى ده مش حب اوكى انت ريحتنى لما قولتلى كده بس انا مش عارف اعمل ايه عايز اسيبها واكون مش مضايق ؟ جدو علشان خاطر المسيح ترد عليا قولى اعمل ايه انا بضايق لما مش بكلمها انا عايز اسيبها بس انا عايز اسيبها ومكونش مضايق حاولت اسيبها وكنت بضايق جدا ممكن ياجدو تقولى اعمل ايه علشان اسيبها وفى نفس الوقت اكون مش مضايق ؟ علشان خاطر المسيح ترد عليا المرة ده ربنا يباركك بجد وياجدو صليلى لانى محتاج حد يصليلى علشان اخرج من المشكلة ده انا تعبتك انا اسف بس انا مش عارف اعمل ايه؟جدو انا مش عارف اذاكر خالص من الموضوع ده بجد انا ولا عارف اروح الجامعة من الموضوع ده رد عليا بسرعة ياجدو لانى فعلا محتاج حد يريحنى.اوين


<< إقرأ المزيد

لم احتفظ بعفتي

جدو ارجو الرد بسرعة انا اتعرفت على شاب وحبيته جدا وتطورت بينا العلاقة الى الزنا مع العلم اني لم احتفظ بعفتي واني باخذ حبوب منع الحمل هو فهمني انه هيتجوزني مش ديه المشكلة ياجدو المشكلة اننا اعترفنا احنا الاتنين وابونا قالنا منعملش كده تاني لحد منتجوز وعملنا برضوه المهم ياجدو بعد كل اللي حصل بينا ده جيت اكتشفت ان الشخص ده مينفعش يحمل مسؤلية اسرة اولا بيعرف بنات كتيرة وبيشتم بالفاظ فظيعة متلقش بشخص مسيحي وبيدخل اصاحبه في مشاكلنا غير انه عصبي جدا ولما بيتعصب مبيعملش حساب لحد وطايش ولما اكون عاملة شئ غلط بقوله باعتبار ان احنا كده في حكم المتجوزين بيفضل يتخانق من غير مايديني فرصة ادافع حتى عن نفسي فاانا عارفة دلوقتي ان الشخص ده ميصلحش يكون زوج لاي حد ووالدته كمان عارفة كده لدرجة انها ساعات بتكلمني وتقولي انا عارفة ان ابني محدش يقدر يستحمله بس معلش حاولي تغيريه واكلمه ويتأثر بالكلام ويتغير لفترة وبعدين يرجع تاني اعمل ايه ياجدو رد عليا بسرعة انا بفكر اسيبه لاني لو اتجوزته بيتنا هيبقى متدمر وفي نفس الوقت اللي حصل بينا رابطني بيه وكمان هو طيب اوي بس مش عنده شخصيه مع اي حد وبيجي لحد عندي ويعمل عنده شخصية وبيكدب كتير وجبان يعني بيجي قدام الناس ويهزأني قدامهم ويخليهم ياخدو عليه وبعدين لما يلاقيني اتضايقت يحاول يعمل حاجه بس بيخاف انا بفكر اسيبه لانه مش هينفعني ومش هتجوز تاني لاني مش بنت اساسا ومقبلش اتنين يلمسو جسمي اعمل ايه ياجدو لو حاولت اترهبن ممكن ينفع ياريت ترد عليه بسرعه ياجدو وربنا يباركك على تعاونك معانا
س


<< إقرأ المزيد

إتصل بموقع مسيحى | من نحن | سياسة موقع مسيحى
Copyright © 2008 Masi7i.com. All rights reserved.
Site Designed By Egygo.net, Managed by M3webz.com forWeb Design Egypt